Saturday, November 18, 2017

සුජී කෝල් ගීතය

===  ===

( මෙය ජෝතිපාල මහත්මයා ගේ දුරකතනයකින් මම ඔබ අමතමි ගීතයේ තාලයට ගායනා කරන්න )

                         =====

දුරකතනයකින් අර්ජුන අමතමි
හමුවිය නොහැකි නිසා
බැංකුවෙ හොරකම සිදුකල බව ගැන
ඇතමුන් කියන මුසා....

පෝන් එක ළමයට දී  ගංවතුරට
කෙහෙල් දෙන්න ගිය දා
කෝල් දෙසීයක් ඩයල් කරලා ඌ
ඔබෙ අංකය ඔබලා...

( පසුබිමින් - සු සු සු.. සුජී.. පෝන් එක දීපන් ළමයෙකුට..පෝ..පෝ... පෝන් එක දීපන් ළමයෙකුට.. )

මට තව මතකයි පොත ලියනට මට
කරුණු කියා දුන්නා
වට්සැප් වයිබර් ඇමතුම් අරගෙන
පසුපස පියමැන්නා...

අපි කෝල් කෙරුවේ උන් ටැප් කෙරුවේ
රෙදි ගැලවෙන පෙනුමයි
නිදුකින් ඉනු මැන පොලිසිය එනකන්
මගෙ ඉරණම එයමයි...

#අකලංකාරය
  - චමල් අකලංක පොල්වත්තගේ

Wednesday, November 15, 2017

මුගාබේගේ නිවසට විශේෂ ආරක්ෂාවක්

====

හරාරේ මගින් එන ආරංචි මාර්ග ප්‍රකාශ කලේ මේ වන විට හමුදාව මගින් බලයෙන් පහකරන ලද රොබට් මුගාබේ ජනාධිපතිතුමාගේ නික්මයාමේදී පවත්වන speech of the window හෙවත් ජනෙල් පඩියේ දේශණය සඳහා සියල්ල සූදානම් කර ඇති බවයි.

අනුප්‍රාප්තික ජනපති ලෙස එමර්සන් මංඥාවා මහතා පත්වීමට සූදානම් කර ඇති අතර ඔහුගේ දිවුරුම් දීමෙන් පසු සිය ගම වෙත පැමිණෙන මුගාබේ මහතාගේ  නිවසට උගන්ඩාවෙන් ආනයනය කරන ලද වල්ලාපට්ටා ජලෙන් පඩියක් යතු ගා වැලිකඩදාසියෙන් මැද තීන්ත ආලේප කර නිවසේ ඉදිරිපස සවිකර ඇති ආකාරයක් අපට දැකගන්නට පුළුවන්..

මුගාබේගේ පුද්ගලික ලේකම් නිල නොවන හිටපු ජනපති හා ඔහුගේ බිරිඳ වන ග්‍රේස් මුගාබේ මැතිණිය සඳහන් කළේ එමර්සන්ට පක්ෂ සියළු දෙනා හමුදා කුමණ්ත්‍රණ හා ඇමරිකන් හිතවාදී ඔත්තුකරුවන් බවට විශේෂ හෙලිදරව්වක් කිරීමට මුගාබේ බලාපොරොත්තු වන බවයි..

මුගාබේ නිවස හා ඒ අවට ප්‍රදේශය මේ වන විට මුගාබේ පාක්ෂිකයන්ගෙන් අතුරු සිදුරු නැතිව පිරී ගොස් ඇති අතර..
ලේලන්ඩ් බස් රථ කුලියට ගෙන මුගාබේ බැලීමට හ්වාන්ගේ හා රුරෙන්ගා ආදී දුර බැහැර ප්‍රාන්ත වලින් පවා කෝටි ගණනින් මහජනතාව ඇදී එමින් තිබෙනවා...

අවර් ඩැඩී
ප්ලීස් ඩෝන්ට් ගෝ ඩැඩී
යූ ආර් අවර් මුගාබේ
කම් අගෙයින් ඩැඩී

ආදී පුවරු ඔසවා කෑගසන ආකාරයක් දකින්නට පුළුවන්..
මේ අතර

එමර්සන්ව ව මරලා හරි ගන්න තිබ්බනේ..
උපජනාධිපතිකමට ඉල්ලමු මුගාබේ ඩැඩී
පැරදුනේ අපියි ඩැඩී
යෝ නිග්ගා.. වී වෝන්ට් මුගාබේ..
අවර් කිංග්

ආදී කසු කුසුවක්ද යන්තමින් අසන්නට ලැබෙනව..

"මම දශක ගණනක් පුරා පැවති බ්‍රිතාන්‍ය පාලනය නිමා කරමින් සිම්බාබ්වෙට නිදහස ගෙනල්ලා දුන්නා අපේ පූජක තුමනී..තිස් වසරක් පුරා මේ රට ප්‍රජාතන්ත්‍රවාදීව පාලනේ කලාට මුන්ට කලගුණ මතක නෑ.. මට කියලා මොකක්ද කරගත්තේ.. ඔය ගෙවල් දහපහළවක් ස්විස් එකවුන්ට් දෙක තුනක් කාර් විස්සක් තිහක් ගෑනිට නිල නොවන ජනාධිපතිකමක් ඉඩං අක්කර ලක්සයක් දෙකක් ගන්නැති පඩිය එකතු කරලා වැඩිම උනොත්...
රටට වින කරපු උන් හිරේ දැම්මා.. ඇමරිකන් උන්ට අල්ලගන්න හිතෙන් නැති විදිහට සල්ලි හංගලා විශ්‍රාම සුවෙන් ඉන්නෙ නැතුව දුක් විඳගෙන අවුරුදු 94ක් වෙනකන් රට සංවර්දනේ කලා..
දැන් මුං මට ඒකාධිපතියලු.."

කියා නිවාස අඩස්සියේ සිටින විට හමුදා සෙබලෙක්ට මුගාබේ මහතා කියූ බව සඳහන් වේ..

මුගාබේ දේශණය ඇසීමට මුගාබේ ඩැඩීගේ ක්‍රිප්ටෝනියානු පුතා සුපර් මෑන් ඇතුළු පවුලේ සැම, ඇස්ගාඩ් වලින් තෝර් ලෝකි ඇතුළු පවුලේ සැම , ඔලිම්පස් වලින් සියුස් ඇතීනා ඇතුළු දේව මණ්ඩලයද අඟහරු බ්‍රහස්පති ඇතුළු ග්‍රහලෝක වලින් හා ෆොක්සිමා සෙන්චූරි මන්දාකිනියෙන්ද පිටසක්වල ජීවීන් පැමිණ ඇත. ස්වාසිලන්තය., උගන්ඩාව,සෝමාලියාවෙන්ද රාජ්‍ය නායකයන්ද පැමිණීමට නියමිතය.. පිටසක්වල ජීවීන් පැමිණි පිටසක්වල යානාවක් අනතුරට පත් වීම නිසා මුගාබේට වඩා ගැනීමට බබාලා දීමට පෝලිමේ සිටි මියා කලීෆා හා ලීසා ඈන් නම් මව්වරුන් දෙදෙනෙක් රෝහල් ගත කර ඇති බවට වාර්තා වේ.. බබාලා නිරුපද්‍රිතව බේරා ගෙන ඇත.

නිවස අවට පොත් හල් වලට දැඩි පොලිස් ආරක්ෂාවක් දී ඇති අතර

ප්ලැටිග්නම්
සිම්බාබ්වේ ප්‍රාන්ත සිතියම්
අඩිරූල්
පැන්සල්

ආදී ලිපි ද්‍රව්‍ය හා උපකරණ කොල්ලකෑම් කිහිපයක්ම වාර්තා වී තිබෙනවා..

මුගාබේ නිවස අවට වැලි කුණාටු තත්වයක් ප්‍රකාශ කර ඇති අතර.. පරිසරයේ අඳුරු වීම්.. මුගාබේ නිවස පිටුපසින් එක්වරම හිරු සැඟවීම. හෘදයාබාධ.. විදුලි කෙටීම.. පාක්ෂිකයන්ට උදරාබාද වමනය හිස කැක්කුම පාචනය හා කක්කල් කැස්ස තත්වයන්ද වාර්තා වන බව රෝහල් ආරංචි මාර්ග පවසනවා..

ස්තුතියි

ජනපති දිවුරුම් දීමේ විශේෂ අවස්තා සමග #චමලේnews සමගින් එහි සිටින අපේ විශේෂ වාර්තාකරු ප්‍රලිර චා. සමග නැවත හමුවෙමු

#අකලංකාරය
-චමල් අකලංක පොල්වත්තගේ

Monday, November 6, 2017

තෙල් ගීතය 2


==== තෙල් ගීතය 2 ====

( " හීන තිබුණට කෝටියක් " තාලයට ගායනා කරන්න )

කොරවෙලා හැඳිගෑවිලා ඉන්නවා ඔහෙ පෝලිමේ...
නැවුත් නෑ බව්සරුත් නෑ පෙට්‍රලුත් නෑ
දැන් රටවටේ...

ටෝක්ස් තිබුණට කෝටියක්
පොම්පෙ නෑ තෙල් බින්දුවක්..//

පාර මැද වාහනේ ඉන්නට
එන්ජිමට කෙල වෙලා යන්නට
බාල තෙල් හරි මෙහෙ ගෙනල්ලා
අප්පච්චී බෙදුවොත් මිසක්...

අදත් නෑ.... හෙටත් නෑ.....
අපිට පෙට්‍රල් ලැබෙන්නෑ......

ටෝක්ස් තිබුණට කෝටියක්
පොම්පෙ නෑ තෙල් බින්දුවක්..//

ඇමති මීඩියා ටෝක්ස් දුන්නට
බූලි අරගෙන බලන් හිටියට...
පොම්පෙ උදුරන් සෙඩ් එකාගෙන්
අපිම ගහගත්තොත් මිසක්...

අදත් නෑ.... හෙටත් නෑ.....
අපිට පෙට්‍රල් ලැබෙන්නෑ......

කොරවෙලා හැඳිගෑවිලා........

#තෙල්ගී
#අකලංකාරය
  - චමල් අකලංක පොල්වත්තගේ

තෙල් ගීය

====  ====

( සංගීත් විජේසූරිය ගේ මල් පෙරහැර යන්නා සේ ගීතයේ තාලයට ගායනා කරන්න )
================

තෙල් පෝලිමෙ කොනකින් මම හිදිමී
හයිබ්‍රිඩ් උන්ගේ කින්ඩි හිනා බලමී
ගැල් කරත්තෙ තිබුණානං හිතමී
ඇමතිගේ ඉඳන් ලොක්කො ඒකෙ බඳිමී...

කිව්වට වැඩක් නැතී
තාමත් තෙලුත් නැතී
පත්තර දෙකක් ගමී
රටකජු ගොටු ඔතමී
ලොක්කන්ගේ මව්ලට සෙත් පතමී...

ඕ ඕ... ඕ ඕ....

තෙල් පෝලිමෙ ඉස්කූටියෙ තනිවී
ඔබෙ නෙතු සඟලේ ඇති දුක මම විඳිමී
තෙල් ගහන්න ආවාදැයි අසමී
නෑ හැලප ගන්න ආවා කියා ඇසුනී...

හෝඕඕඕඕඕ......

තෙල් බව්සර් නාවට නෑ හදිසී
අපි වෙනුවෙන් නැව හැරවුන බව දනිමී
තෙල් පෝලිම තව හැදියන් සිතුනී
ඔබ ඉන්නවනං රෑ වෙනකන් හිඳිමී

ඒ සැප නිමක් නැතී තෙල් නැත කමක් නැතී
ඔබ හා සිනාසෙමී
පෝලිමෙ මම හිඳිමී
යහපාලනෙ එනකන් හෝ හිඳිමී..

ඕඕඕඕඕඕ...

දීපිකා මෙහෙ ආවා කියා සිතුනී
තෙල් බව්සරේට වැඩියෙන් පෙම් කරමී
පෝලිමෙ ඔබ ළතැවෙන බව විඳිමී
ඔබ කියනවනං සෙඩ් එක ගිනි තියමී...

හෝඕඕඕඕඕ....

ඔබ රවනා මුහුණ දිහා බලමී
පෙර හොර තෙල් දැමු එන්ජින් සිහි කරමී
ඉස්කූටිය හැරගිය බව දුටිමී
ඒකිට විතරක් තෙල් දෙන බව පෙනුනී.....

ඒ දුක නිමක් නැතී
එනමුදු කමක් නැතී
හරවන් ගෙදර යමී
ගවුමක් ඇඳන් එමී..
ඇඳන් එමී තෙල් ගහගෙන දුවමී...

ඕඕඕඕඕඕඕ....

හරවාගෙන තේ බොන්නට ආවා
ඉස්කූටිය එහි ඇති බව මම දුටුවා
ආ අයියාහ් තෙල් ගැහුවද ඇහුවා
උඹෙ ආච්චිගෙන් අහගනින් කියා ආවා...

ඕඕඕඕඕඕඔ....

තෙල් පෝලිමෙ කොනකින් මම හිදිමී.....

#අකලංකාරය
  - චමල් අකලංක පොල්වත්තගේ

Thursday, November 2, 2017

දෙමළාට දෙමළ වීම නිසා....

දෙමළාට දෙමළ වීම නිසා ම ඇති ප්‍රශ්ණය වන්නේ දෙමළට දෙමළ වීම නිසා ම ඇති ප්‍රශ්නය කුමක්ද කියා සිංහලෙන් ඇසීම කියා ද කිව හැකිය. ඒ උන්ට සිංහල නොතේරීම හා වෙන එකෙකුගේ ප්‍රශ්ණයක් ගැන තවත් උන් වාද කිරීමය.

නමුත් දෙමළාට දෙමළ වීම නිසාම ඇතිවී ඇති ප්‍රශ්ණය කුමක්ද කියා දෙමළාගෙන් දෙමළෙන්ම ඇසුවොත් දෙමළා දෙමළෙන් දෙන උත්තරේකුත් නැත..
ඒ උන්ට දෙමළ ද නොතේරීම නිසා ය..

 සිංහලයාට සිංහල වීම නිසා ම ඇති වී ඇති ප්‍රශ්ණය වන්නේ සිංහලයාට සිංහල වීම නිසා ම ඇති වී ඇති ප්‍රශ්ණය කුමක්ද කියා දෙමළෙන් ඇහුවොත් උත්තර දෙන්න දෙමළ දන්නේ නැත.

නමුත් සිංහලයාට සිංහල වීම නිසා ම ඇති වී ඇති ප්‍රශ්නය කුමක්ද කියා සිංහලයාගෙන් සිංහලෙන් ඇසුවොත් සිංහලයා සිංහලෙන් දෙන උත්තරේකුත් නැත..
ඒ දෙමළාට දෙමළ නොතේරෙනවා මෙන් සිංහල උන්ට සිංහල නොතේරීමයි..

මුං දෙගොල්ලෝම දන්නා බම්බුවක් නැත.

Wednesday, November 1, 2017

ඡන්දදිනනමග

වත රතු මල් කොහාට වත රතු මල්  කොහෙකු වීම නිසා ම ඇති වී ඇති ප්‍රශ්ණය කුමක්ද න්‍යාය භාවිත කර ඡන්ද ලබා ගන්නා ආකාරය..

අවශ්‍ය ද්‍රව්‍ය.=
ළඟ එන ඡන්දයක්
ජාති දෙකක දෙදෙනෙක්.
ගොං කතාවක්
මයික් එකක් හෝ ෆේස්බුක් ලයිව් එකක් හෝ මාධ්‍ය සාකච්ඡාවක්
සෝෆාවක්
ටීවී එකක්
ස්මාට් පෝන් එකක්
සාදාගත් පොප්කෝන්

( එක් ජාතියක එකෙක් දෙමළ හා අනිකා සිංහල ලෙස සලකමු..
තම ජනවර්ග වැඩි පළාතට යන්න.. )

ෆේස්බුක් ලයිව් එකක්, මීටිමක හෝ මාධ්‍ය සාකච්ඡාවක
උතුරේ  දෙවනි වතරතු මල් කොහා රජු දෙමළ රජෙක් කියා ටෝක්ස් එකක් දීම.. අපේ අයිතිවාසිකම් නැතිවෙලා.. ආයෙ ඕව ගන්න මං එක්ක සෙට් වෙයල්ලා කියා ටෝක්ස් එකක් දීම

(ඕක අසා දකුණේ හරක් කුලප්පු වීම)

අනිකා දකුණට ගොස් එහෙම වෙන්නෙ කොහොමද ඩෝ වත රතු මල් කොහා සිංහල ඩෝ.. තොපිව මරාගෙන කනවා ඩෝ.. මං ඉන්නකං ඕවා බෑ ඩෝ. මං එක්ක සෙට්වෙයල්ලා අපෙ හාන්දුරුවනේ ආදී ටෝක්ස් එකක් දීම..

(ඕක අසා උතුරේ හරක් කුලප්පු වීම )

නාමයෝජනා බාරදී ඡන්දෙට ඉදිරිපත් වීම

දෙදෙනාට පහසු තැනක සෙට් වී සාදාගත් පොප්කෝන් කමින් ෆේස්බුක් යමින් දෙදෙනාට බැනගන්නා අතර ඡන්ද ප්‍රතිපල බැලීම..

දෙදෙනාම ඡන්දෙන් ජයග්‍රහණය කර පාර්ලිමේන්තු හෝ පලාත් සභාවට යාම..

පොප්කෝන් ඉතුරු වී ඇත්නම් කුලප්පු වූ හරක් පට්ටි මරාගන්නා ආකාරය දෙස බලා විදේස සංචාරෙක නිරත වී සැපේ සිටීම.

( ප.ලි - ඔබේ ජනප්‍රියත්වය අඩුවේයැයි හැඟෙන සෑම විටකම ඔය ආකාරයේ ජිල්මාට් එකක් දමා නැවත නැවත සිදුකරමින් මැරෙනකන් බලේ සිටිය හැක )

#අකලංකාරය
  - චමල් අකලංක පොල්වත්තගේ

Monday, October 30, 2017

ආතල් ගනිං තනියම



බස් එකේ ඉඳගෙන සිට එය ස්ටාට් කළ මොහොතේ එක්වරම ඔලුව මැදටම පොලු පාරක් වැදුනාක් මෙන් සිහිපත් වූයේ හෑන්ඩ්ස්ෆ්‍රී එක අමතක වූ බවය..
හෑන්ඩ්ස්ෆ්‍රී එක අමතක වීම යනු කලිසම අමතක වී යාමටත් වඩා බයානක සීන් එකක්ය..

 එක එකාගේ අඬෝවැඩියාවල් බලෙන් ඇහීමට මට ඇති මෙව්වා එකක් නැත. උන්ට ඕනා සළු පාලියක් හෝ මොන හීල්ලීමක් හොටු පෙරීමක් කැකිරි පැලීමක් අසා ගත්තාට මට ඇති පාං එකක් ද නැත. ඒ උනාට සල්ලි දී යන බස් එකේ උන්ගෙ ආතල් බලෙන් අනිත් උන්ගේ කනේ ගැසීම නිසා සිදුවන මස්තිෂ්ක තෝන්තු වීම වළක්වා ගැනීමට මම හෑන්ඩ්ස්ෆ්‍රී එකක් අරන් යමි.  කිහිප වරක් කොන්දාට කියා රේඩියෝව ඕෆ් කෙරෙව්වද හැමදාම ඔය කරදරේ කළ නොහැකි නිසා ඕන එකෙක් ඕන එකක් අහන් පලයන් කියා අර වයර් කෑලි කනේ ගසං යමි.

Saturday, October 28, 2017

කැටලෝනියානුවාට කැටලෝනියාවෙකු වීම නිසාම ඇතිවී ඇති ගැටලුව



කැටලෝනියානුවාට කැටලෝනියාවෙකු වීම නිසාම ඇතිවී ඇති ගැටලුව කුමක් වුවද ස්පාඤ්ඤ ආණ්ඩුවට 155 ව්‍යවස්තාව මතක් වන විට කැටලෝනියන්ස්ලා සුවයංපාලනය ඉල්ලා අවසන් ය. එහේ දැන් මධ්‍යම රජේ විසින් බලේ පෙන්නා කෑල්ල කැඩීයාම නවත්තාගෙන ඇති බව තතු දන්නා විදේස පුවත් පත් වාර්තාකරුවන් විස්තර කර ඇත.

ලිප ගිනි මොලෝන තෙක් රයිස් කුකර් එකේ සැපෙන් කකුළුවා දිය කෙලියා කියූ පුරාන සාහිත්‍ය කාව්‍යයය මට මතක් වන්නේ මෙවිටය.
රයිස් කුකර් එක ලිපක් නොවේය කියා විටෙක මාත් සමග තර්ක කල අයෙකුට මම මගේ සාහිත්‍යමය දැනුම මෙහෙයවා කියා සිටියේ

 "යමකින් ආහාර උයන්නේද එය ලිප ය.. " කියා අකලංකාරයෙහි දක්වා ඇති පාඨයයි..

ඒ අනුව රයිස් කුකරය ද ලිපකි. ඒ අනුව ගෑස් ලිප්, දර ලිප්, රයිස් කුකර් , හොට් ප්ලේට්, මයික්‍රෝවේව් අවන් ආදිය ද විවිද ලිප් වෙයි. බිත්තර බැදීමට රෙදි මදින අයන් එකද ලිපල් ලෙස භාවිත කරයි.. නමුත් ලිප් කිස් යනු ලිප් හතරේ ගෑස් කුකරයක් දෑත බදා උම්මා දීම නොව හෙළ සංස්කෘතියට ගංවතුර ගලන වෙනත් කුණුහර්පයක් බව මා දැනගත්තේ පසුවය..


 කැටලෝනියාව හෝ මොන නිව්මෝනියාවක් හෝ වේවා ඕක තිබ්බත් නැතත් මටනං ගානක්වත් නැත. එසේ වුවද මට ඇති ප්‍රස්නය වන්නේ එංගලන්තෙන් ඇවිත් ටසිරිලංකාව ආයෙ බාරගන්නකං අපි බලන් ඉන්නා අවස්තාවක ස්පාඤ්ඤය වගේ සකල සිරින් පිරි රාජ්ජයකින් වෙන් වීමට උන්ට ඇති මොලේ අමාරුව කුමක්ද කියාය..  ප්‍රාන්ත බලතල තියාගෙන ආතල් එකේ ඉන්නැතුව ඉල්ලාගෙන හාල් ගරාගන්නවාට ඕකුන්ට ගහන්න ඕනේ වැලි ය.

අනේ අම්මාපල්ලා ඕකුන් එකෙක්වත් අපේ රට ගැන දන්නවානං ඔහොම කරාවිද අපේ ගංගා මෑණියනේ..
ටසිරිලක පළාතක බිබික්කං වැව්වද මධ්‍යම රජෙන් ලොකු සීන් බැලිය යුතු වුවද ඒ රටවල් වල ප්‍රාන්ත වල උන්ට පට්ට බලතල තියනවාය.. ඉතින් කඩාගෙන වෙන මගුලක් හදාගන්න යන්නේ මොකටද මන්දාය..
මෙහෙත් කඩනවානං සිරිසේන මහත්තයාට සරලෝනියාව., රනිල් අංකල්ට කොළඹේනියාව.. හා අප්පච්චීට බයියාලන්තය ද කඩා දැමිය හැක.

පෙඩරල් හෝ මොන කෙහෙල් ඇවරියකින් හෝ බලතල බෙදා වෙන්කරගෙන වෙන රටවල් හදාගන්නැතුව එස්සත්ව සිටිය හැකි බව අපේ හාමුදුරුවෝ දිහා බලනවානං ඔය කැටලෝනියාවේ සිට ටසිරිලක දක්වා හැම එකාටම ඉගෙනගැනීමට හැක..

ඒකීය බුද්ධාගමකි..
මල්වතුය.. අස්ගිරිය.. අමරපුරය.. රෝහණය.. බ්ලා බ්ලා බ්ලා.. නිකාය වලට බෙදා සාසනය ෆෙඩරල් ය.
එක එක නිකාය වල එක එක විදිහට තම තම අනන්‍යතාවය සුරක්සිත කරගෙන ඇත.
සමහර ඒවා වල අඩුකුලේ පරහැත්ත මහණ කරන්නේ නැත.
සිවුර අඳින්නේ එක එක විදිහටය..
එහෙමයි කියා කවුරුත් වෙන බුද්ධාගම් හදන්න යනවද
නෑනෙ..
සමන්තභද්‍ර පිස්සු නටන විට, අප්පච්චී නයිටි රේස් පදිනකොට., සිරිසේන වියවස්තාව සංසෝදනේ කරන්න හදන විට වගේ පොදු ප්‍රශ්නෙකදි හැමෝම සාසනය වෙනුවෙන් කියා එකතුවෙයි..

ඉතින් අපෙ හාන්දුරුවනේ ඔහොම නෙමෙයිද ඒකීය රටක ෆෙඩරල් වෙන්නෝනෙ..
විග්නේස්වරන් ගොයියාටද
සිරිසේනටද රනිල්ටද අප්පච්චිටද  කැටලෝනියාවටද ඔව්වා හොඳ පාඩං ය.

#අකලංකාරය
  - චමල් අකලංක පොල්වත්තගේ

Tuesday, October 17, 2017

යුද්ධෙ නැතුව පාලුද..

මගේ තාත්තා ජාත්‍යන්තර පාසල් ගුරුවරයෙක්..  දැන් අවුරුදු කිහිපයක ඉඳලා විවිධ පාසල් වල උගන්වනවා. සිංහල බෞද්ධ ළමයි., ක්‍රිස්තියානි ළමයි, ඉස්ලාම් ළමයි ඉන්න හැම වර්ගයේම පාසල් වල. ටික කාලෙකට කලින් ඉගැන්නුවෙ ළමා නිවාසෙකට අයත් පාසලක... ඔය අතරෙ මුස්ළිම් ළමයි විතරක් ඉන්න ඉස්කෝල වල පවා උගන්නලා තියනවා..
ඒ ඉස්කෝල වල ඉන්න ගුරුවරු බහුතරයකුත් මුස්ලිම්. විදුහල්පතිතුමා පවා.
අපේ තාත්‍තා සිංහල බෞද්ධයෙක්. ඉගෙනගත්තෙ ආනන්දෙ. දහම් පාසල් ගුරුවරයෙක්.
හැබැයි තාත්තා කවදාවත් කියලා නෑ අර මුස්ලිම් ඉස්කෝල වල උගන්නනකොට වෙනස්කමක් උනා කියලා.
ඒ ළමයි ගුරු දිනේට තෑගි දෙනවා. තාත්තා භාර පන්තියෙ නොවන ළමයි පවා..
මමයි අපේ නංගියි බලාගෙන ඉන්නෙ රාමසාන් කාලෙ වෙනකන්.
නිවාඩුව ඉවරවෙලා ඉස්කෝලෙ පටන් අරන් සතියක් විතර යනකන් තාත්තා හැමදාම වටලප්පන්, සවාන් ගේනවා..

Thursday, October 12, 2017

අපේ එකක් හින්දා බලහන්

=== අපේ එකක් හින්දා බලහන් - අනේ නිකන් පලයන් බං යන්න ===

"මචන් ඒ ෆිල්ම් එක ටිකක් ගොං තමයි බං
ඒ උනාට මොනවා උනත් මෙහෙ හදන එකක්නෙ....
හින්දි දෙමළ නැතුව ඒවා බලන එක හොඳ නැද්ද...
මෙහෙ ආට්නෙ බං.. මෙහෙ ආටිස්ට්ලටනෙ සල්ලි...
බ්ලා බ්ලා බ්ලා...

ඔය ආකාරයේ "අවුල් උනාට කමක් නෑ ලංකාවෙනේ.." ලොජික් එක  හින්දි නෙමෙයි හින්දා ගොං උනත් සෝක් ඒ අසහාය මෙගා නාට්ටිය... ආදී ලෙස
 ටෙලි නාට්ටි වලටද මේ දවස් වල යොදනවා පෙනෙයි..
ඉන්දියාවෙ නිලියො වගේ නෑ තමයි.. ඒ උනාට මේ නටන්නෙ අපේ නිලියොනෙ.. බලන්නකො අහවල් රැජින නටන හැටි...
ඔස්කාර් වගේ නොවුනත් අහවල් සම්මාන උලෙලනෙ අනේ..

Tuesday, October 3, 2017

සිවුරට ගරු කරපන් ඩෝ



මේ ළඟදි කෙනෙක් මට කියනව මොනවා උනත් සිවුරට ගරු කරපන් ඩෝහ් කියලා..

ඕක අහලත් ඇතිනෙ ඕන තරම්.. උද්ඝෝෂණ වලදි පොලීසිය එලවනකොට එහෙම.. සිවුරට අත තියන්නෙපා ඩෝ වගේ කතා...

යුනිෆෝම් එකක් කියන්නෙ එහෙම නැත්තං නිල ඇඳුමක් කියන්නෙ මොකක්ද... කවුරුහරි පුද්ගල කණ්ඩායමක් අනිත් මිනිස්සුන්ගෙන් වෙන් කරලා අඳුරගන්න දීපු ඩ්‍රෙස් කෝඩ් එක.. ආවේණික ඇඳුම..

එතකොට උදාහරණ විදිහට ඒ සුදු කලිසම් ෂර්ට්,ගවුම් දැක්කම අපි දන්නවා ඒ ඉස්කෝලෙ ළමයි කියලා..

Friday, September 29, 2017

සරණාගතයා

මේ දවස්වල වැඩරාජකාරි අස්සේ සොයා බැලූවිට දැනගන්නට ලැබුනේ....

ඉරාජ්ගේ ගෙදරට ආව රොහින්ගියා සරණාගතයොයි  ඒකාබද්ධ විපක්සෙ සෙට් එකයි අතර තිබ්බ සුහද හමුවකට ආව පියුමි හංසමාලිගෙ දිග සාරි පොට ටීබී ඒකනායකගේ සරමේ පැටලිලා හදිස්සියේ කඩන් වැටුන හින්දා භික්සූන් වහන්සේලාට වෙච්ච අගෞරවය නැතිවීමට සිංහලේ මහසෝං සංග බ්‍රිගේඩ් එක විසින් රුපියල් 90 කට පොල් ගෙඩියක් ගෙන ගසා විභීසන දෙවියන්ට කන්න ලව්වක් සිදු කල බවයි..
..
ඇත්‍තටම කියනවානං ඔය සරණාගත කේස්සෙක ගැන මුකුත් කීමට නොහැකි වී ඇත්තේ අපේ ගෙදර මම සිටින්නේද  සරණාගතයෙක්ට අන්ත තත්වයක නිසාය..
 රොහින්ගියා උන් කොහෙන් ගිහින් හෝ වීසා

Monday, September 25, 2017

කේන්දරේ

===  ===

"මේ කේන්දර නං ගැලපීමක් නෑ
දෙන්නා කසාද බැන්දොත් එක වහලක් යට ඉන්න වෙන්නෙ නෑ..."

මේ ළමයගෙ ශනි තියෙන්නෙ හතරෙ... අර ළමයගෙ........

මට කිසි දෙයක් ඇහැන්නෙ නෑ දැන්... දෙයියනේ ඒ මිනිහා ගැලපෙන්නෙ නෑ කියද්දිම අම්මගෙ මූණ කළු වෙච්ච හැටි..  දැන් මොකද මම කරන්නෙ.. කාලයක් තිස්සෙ හදපු හීන් ඔක්කොම කෑලි කෑලි වලට කුඩු පට්ටම් වෙලා මගෙ ඔලුවටම කඩාගෙන වැටෙනව වගේ දැනෙන්නෙ මට.. පපුව පිච්චෙනවා වගේ දැනෙනවා.. මලිත් ගෙ මූණ මැවිලා පේනවා මට..
වෙලාවක් නොබලා එලියටවත් නොබලන අපේ ගෙදර මිනිස්සු මෙච්චර දෙයක් කිව්වට පස්සෙ මගේ කැමැත්තට මලිත්ව කසාද බඳින්න දෙයි කියලා මම කල්පනා කරන්නෙ මොකටද තව.. එහෙම්මම වහලෙ දිහා බැලුවා.. මගේ අවුල් වෙච්ච කොණ්ඩෙ කෑලි හුළඟෙ යව යව ෆෑන් එක කැරකෙනවා.. මම ඒක දිහා බලාගෙනම හිටියා.. මාවත් එක්කම කැරකෙනවා වගේ දැනෙන්නෙ..
අර මිනිහා තව මොනවද කියෝනවා..

අම්මප මට පැනලා ඕකගෙ බෙල්ල මිරිකන්න තියනවනං...!!

අම්මා මගෙ අතින් ඇද්දා...

Tuesday, September 19, 2017

ලව් කිරීම තහනම්



යදමින් බැද විලංගුලා පෙම්වතුන්ව රැගෙන..................යන්න
ගෙවල් වලට බලෙන් ඇවිත් පෝන් එකේ බ්ලූ..................හොයන්න
කෙල්ලො කොල්ලො ලව් කිරීම දඬුවම් දෙන...................වරද නම්
කුමට එරට අධිකරණය නීතිය සහ...................විනිසුරන්

හොර මැරකං කරන අතර දියවන්නා...............නරුමයන්
පුංචි ළමයි ඇඳට ගත්ත දේසපාලු..................අමනයන්
උන්ට දෙකට තුනට නැවී වඳින පොලිස්...................මෝඩයන්
කොල්ලො කෙල්ලො ලව් කිරීම වරදක්දැයි මට...............................කියන්

#අකලංකාරය
-චමල් අකලංක පොල්වත්තගේ

Monday, September 11, 2017

නූපා ප්‍රමිලා

නූපා ලා කොතෙකුත් ඇත. අයාලේ ගිය එකියක් කියා කීවාට නූපාගේ හිතේ තියෙන්නේ මොකක්ද කියා දන්නේ නූපා ය. ආදරය අහිමි වීමේ වේදනාව දන්නේ නූපාලා ය. එය හුදු අත්සනකින් කරන්නට හැකිනං කුමක් කල හැකිද.

හහ්.

ඉතින් නීතියට අනුව නූපා ලා වැරදිය. ඔව් ඇය වැරදි බව නූපලාත් දනී. ඒත් හදවත් ආදරය හොයනා ආකාරය පුදුමාකාරය. ඉතින් මට ආදරය දීපන් යකෝ කියා කෑගසා කියන්නට බැරි නූපාලා කුමක් කරන්නද. පිරිමියෙක් හෝදා ගෙට ගත්තාට කිලි දාට පන්සලකටවත් පස් පාගන්නට නොදෙනා නූපලා කුමක් කරන්නද..

ආදරය හොයා නොලැබී බැරිම තැන දික්කසාදය මරණයට සමාන වූ රටක නූපලා ජීවිතය උකසට තබා එවැනි තීරණ ගන්නවා විය හැක..

නෑ නෑ..

#මහින්දබුද්ධාගම



රහසින්වත් පවු නොකලායැයි කියන , අන්සතු දෙයක් සොරකම් කිරීමට සිතෙහි ඇති වන සිතුවිල්ලම වැරද්දක් බව දේශනා කල, බොරුව වංචාව ප්‍රතික්ෂේප කල බුදුන් හැඳ සිටි චීවරය දරා සිටින මේ මහින්දසංගයා විසින් රකින්නට උත්සහ කරන්නේ ජනාධිපතිවරණයක් අවස්ථාවකදී එවකට ජනාධිපති මහින්ද රාජපක්සගේ නියෝගයකට අනුව තම මැතිවරණ ව්‍යාපාරය සඳහා ජනතා මුදල් මිලියන 600ක් අයතා ලෙස යොදවා මැතිවරණ අල්ලසක් ලෙස සිල් රෙදි බෙදා දී මැතිවරණ දූෂණ සිදුකළ , රාජ්‍ය නිලධාරීන් ලෙස පක්ෂග්‍රාහී ලෙස හැසිරුණ කුප්‍රකට රාජ්‍ය සේවකයන් දෙදෙනෙක්ව ය.

ඒ අනුව මේ මහින්දසංගරත්නේ විසින් remix කරන ලද  "මහින්දබුද්ධාගමේ" නව සික්ෂාපද..

1)
මහින්ද හිතවත්තෝ අදින්නාදානා කප්පති

(යමෙක් මහින්ද රාජපක්සට හිතවත් නම් ඔහුට සොරකම් කිරීමට කැපය)

Friday, September 8, 2017

ආගමක් පටන් ගමු ද...!!



ඔන්න අපි කස්ටියක් එකතු වෙලා මේ සමාජය වඩා යහපත් තැනක් කරන අරමුනින් පොඩි ඉගැන්වීමක් පටන් ගන්නවා.. අපි ඒකට නම දාමුකො එක්ස් දර්ශනය කියලා..
සමාජයේ හොඳයි කියලා සම්මත වෙලා තියන හර පද්ධතිය තමයි ඒකෙ පදනම වෙන්නෙ . කිසිදු සත්වයෙක්ට ගහකොළකට හිංසාවක් පීඩාවක් නොකර ජීවත් වෙන්න මිනිස්සුන්ට උගන්නන එක තමයි ඒකෙ අරමුණ වෙන්නෙ.. ඒ දර්ශනය පිළිගන්න තමන් තව මොනවහරි ආගමක ජාතියක හිටියට ඒක බාධාවක් වෙන්නෙ නෑ.. තමන් එක්ස් දර්ශනයට අනුගත වෙලා ඒ විදිහට හැසිරෙනවනං සමාජයට ලෝකයට කරදරයක් නොවී ජීවත් වෙනවනම් ඒ හොඳටම ඇති..  ජාති ආගම් භේද නැති කරලා ජීවත් වෙන්න.. කුලය ගෝත්‍රය හමේ පාට ආර්ථික තත්වය මත අසාධාරණයට ලක් නොවී ජීවත් වෙන විදිහ.. අසාධාරණ වලදි.. ප්‍රශ්ණ වලදි ඊට ආයුධ අතට නොගෙන තමන්ගෙ මතය අවිහිංසාවාදිව ගොඩනගන්න.... සන්නද්ධ නොවී අදහස් ප්‍රකාශ කරන්න.. වෛරයකින් කෝපයකින් තොරව අවිහිංසාවාදිව සාධාරණත්වය වෙනුවෙන් කටයුතු කරන්න.. නිදහස් නිවහල් පුරවැසියන් විදිහට ජීවත් වෙන්න.. අනිත් හැමෝටම උදව් කරගෙන තියන සම්පත් වලින් තෘප්තිමත් ජීවිතයක් ගත කරන්න වගේ දේවල්..

Monday, September 4, 2017

සකිය සගව්වට රෝදය කැරකෙනවා.

පහුගිය දවස් ටිකේ ආදරය ගැන කියවෙන ගීත ගැන හිතෙන දේවල් ලියපු හින්දා අද වෙනස් අර්ථයක් තියන ගීතයක් ගැන ලියන්න හිතුනා.

අද කතා කරන්නේ රෝහණ බැද්දගේ මහත්මයාගෙ "සකිය සගව්වට රෝදය කැරකෙනවා..." ගීතය ගැන.

මේ ගීතය කරත්ත කවි , ගමන් සීපද ආශ්‍රයෙන් 1994 දී රචනා වූවක් වන අතර ලෝකයේම ගෞරවාදරයට පත් සම්මානනීය ගීතයක්.  මේ ගීයට මා විශේෂ කැමැත්තක් දක්වන්නේ එහි අඩංගු ජන සංගීතය හා සාම්ප්‍රදායික ජනකවි ශෛලිය නිසා වන්නට ඇතැයි සිතමි.

කිලෝමීටර් සියගණන් දින ගණනක් පුරා ගමනේ යෙදෙන ගැල්කරුවන් තම ගමන් මහන්සිය විඩාව දුරුකර ගැනීමට කියන ලද සම්ප්‍රදායික ගමන් සීපද ආශ්‍රයෙන් රචනාවූ එකක් වුවත් ඊට එහා ගිය ගැඹුරු අර්ථයක් මේ ගීතයේ අන්තර්ගත වෙන බව මීට බොහෝ කලකට පෙර අසන ලද රෝහණ බැද්දගේ මහත්මයා විසින්ම සිදුකල කතාවක් මා අසා ඇත්තෙමි. ඉදින් මේ ගීය මට හැඟෙනා අයුරින් මෙසේ විග්‍රහ කරමි.

සසඳ සසඳ දියපල්ලේ තිබෙයි අල
දියපල්ලේ තිබෙයි අල
සසඳ සසඳ දියමතුපිට තිබෙයි කොල
 දියමතුපිට තිබෙයි කොල

වැස්සට පිණි බබා මෝරන කැකුළු මල
මස්ටකයින්ට මුතුකුඩයකි නෙළුම් මල
මස්ටකයින්ට මුතුකුඩයකි නෙළුම් මල

Saturday, September 2, 2017

ආදරයට ඉඩක් වෙන් කරන්න

 මිනිස්සු බිලියන හතම බිලියන හත්විදිහක්.  දෙවියන්වහන්සේ විසින් දෙදෙනෙක්ව එකතු කරනවා කියා මම කිසිදා විශ්වාස නොකරමි.එය අතිශය සංකීර්ණ මනුශ්‍ය ගලපාගැනීමකි.. විය නොහැකි නමුත් සිදුවන සංකීර්ණ එකතු වීමක්.. බිලියන හත් විදිහ බිලියන හත් විදිහක් වෙද්දි එකවගේ දෙදෙනෙක් ඉන්න විදිහක් නැතිනම් කොහොමද එහෙම එකට ඉන්නෙ. ඒක හින්දම තමයි මිනිස්සු තමන්ට විසඳගන්න බැරි හැම ප්‍රශ්ණෙම වගේ ඒ ආදරණීය බැඳීම දෙවියන් පිට පවරලා අයිනට වුනේ.. සමාන දෙදෙනෙක් නෑ.. අනෙකාව තමන් හා ගලපාගැනීමට දරණ ආදරණීය උත්සාහය ඒ දෙදෙනාගේ ආසන්න සමාන වීමකට හේතුවෙයි. මම හරිම කැමතියි ඒ ඇතිවුණ ආදරණීය බැඳීම් මිනිස්සු ජීවිතය විඳින්න කොපමණ උපයෝගී කරගන්නවාද කියන දේ බලන්න.
ආදරය තහනම් වෙච්ච ලෝකයක් කොයිතරම් කැතද. සිපගත්තාම හිරේදාන ලෝකයක් කොයිතරම් කුහකද. ආදරය වරදක් විදිහට සම්මතයක් තියාගෙන වෛරය වපුරන්න බිම හදලා දීලා මරාගන්නකොට ඒකටත් අකමැති ලෝකයක් මේක.

Thursday, August 31, 2017

සඳ මිතුරි සිත මිහිරි කල මැනවී...!!


කාලෙකට පස්සෙ වහින වැස්සක්..
කෝපි එකක්..

" පිණි වැස්ස වස්සන්න මද්දහන තෙත්වෙන්න...
ආදරය දලුලන්න මිහිකත මතින්...."

වැස්ස කියා වෙනසක් නැතිව වියළුන හදවතකට පිනිවැස්ස වී ගැඹුරටම යන්නට කසුන්ගෙ කටහඬට පුළුවන්.
ප්‍රේමය කියන්නෙ පුදුමාකාර දෙයක්. මිනිස්සු බිලියන හතටම බිලියන හත් විදිහකින් දැනෙන මානවයන්ටම උරුම වුණ ප්‍රබලතම හැඟීම වෙන්න ඇති. මිනිස්සුන්ට වර්ගයා බෝ කිරීමේ අරමුණින් හෝමෝන ශ්‍රාවය මගින් ඇති කරන ලිංගික ආකර්ශනය ඇතිකිරීමට කරන ජීව විද්‍යානුකූල රැවටීමකි.. එසේත් නොවන වෙන කුමන හෝ පවතින විද්‍යාත්මක ක්‍රියාවලියකින් පැහැදිලි කල නොහැකි විඥානවාදී හැඟීමක් හෝ වේවා මම එයට අතිශය කැමැත්තෙමි..
එමෙන්ම අන් සතුන්ට එහා ගිය වර්ගයා බෝ කිරීමෙන් පමණක් නොනැවතුණු මිනිසාගේ  ප්‍රේමයට විඥනවාදී නැඹුරුවක් හෝ අර්තයක් සැපයීමට මම වඩාත් කැමැත්තෙමි.
මේ ගීයට මම විශේෂයෙන් ඇළුම් කරන්නේ එබැවිනි.
ප්‍රේම ෆැන්ටසිය අතිශය සුන්දරය. ගැඹුරු මානව හැඟීම් සියල්ලටම එකසේ ආමන්ත්‍රණය කරන්නට ප්‍රේමය සමත්වෙයි.
වර්තමාන ආර්ථික දේශපාලනික සමාජ යථාර්ථයක් තුල ප්‍රේමයට ඇත්තේ විවිධාකාර කියවීමක් වන නමුත් ප්‍රේම කරන්නෙකුගේ දේශපාලන සමාජ ආර්ථික  කියවීම කුමක්  වුවත් ඉල්ලන්නේ තම ජීවිතයේ වෙනසක් වන්නට කියා පමණි.

Monday, August 28, 2017

දවසක් පල්ලේකැලේට



( 'දවසක් පැල නැති හේනේ.."  ගීතයේ තාලයට ගායනා කරන්න. )

දවසක් පල්ලේකැලේට
හිස් බෝතල් වැහි වැස්සා
දෑතින් අල්ලාගෙන සිටි
‍රෙදි දැන් නෑ අම්මේ.....
ලැජ්ජාවට වහගෙන සිටි
අමුඩෙත් නෑ අම්මේ...

We arw with you කී උන්
බෝතල් වැහි වැගිරුව දා
සිරිලංකන් රෙදි යැව්වා
බේරෙ ඇලේ නැම්මේ...
ETCA හොරෙන් ගහලා වගේ
දැනුනා මට අම්මේ....//

ක්‍රිකට් බෝඩ් කුඩු කරගෙන
අස්සයො එහි පන්නන කොට
බැට් එක බිමදා දුවගෙන
එන්නද එක පිම්මේ...
කලින් වගේ කොල්ලො එක්ක
ගහන්න යමි එල්ලේ...///

#අකලංකාරය
  - චමල් අකලංක පොල්වත්තගේ

Thursday, August 24, 2017

දෙයියො

දෙයියො ගැන මේ දවස් වල ඒවා මේවා කතාවෙන හින්දා  මේක දාන්න හිතුනෙ..

දැන් මෙහෙමයි

ග්‍රීසියෙ උන් හිතන් හිටියා සියුස් තමයි දෙයියො ලෝකෙ මැව්වෙ ඩෑල්ස් එක ඌට සපෝට් එකට අනිත් උන් ඉන්නව කියල..

ඊජිප්තුවෙ උන් හිතන් හිටියා අමුන් රා , ඔසිරිස් වගේ දෙයියො තමයි ලෝකෙ පාලනේ කරන්නෙ.. උන්ව බලාගන්නෙ කියලා.

එතකොට ඉන්දියාවෙ උන් එදා ඉඳන් තාම හිතන් ඉන්නව ශිවයි රාමයි ක්‍රිස්ණයි ඔය සෙට් එකට තමා ලෝකෙ ඕන එකක් කරන්න පුළුවන් කියල.

ඉස්ලාම් උන් හිතන් ඉන්නව අල්ලාහ් තමයි ලෝකෙ මැව්වෙ ඔක්කොම කරන්නෙ එයා.. එයා විතරයි දෙයියා කියල..

ක්‍රිස්තියානි සෙට් එක හිතන් ඉන්නව සර්වබලධාරි දෙයියන්වහන්සේ තමයි ලෝකෙ මැව්වෙ.. දැනටත් උන්ව බලාගන්නෙ මෑන්ස් කියල..

Monday, August 21, 2017

රෞහිත රාජපක්සාභිධාන කෞමාරණුවන්ගේ කතාවත්තුව



පෙර ටසිරිලක සකල ශ්‍රීන් සපිරි කාබනික පොහොර යොදා සාදන ලද්දාවූ ගොටුකොළ පාත්තියක් මෙන් සොඳුරු වූ වක්කඩෙන් මලින් ඵලින් බරවූ මන්දමූලනයේ එක් දිනෙක මධ්‍යම රාත්‍රියේ දැයේ දුට්ඨ ගාමිණි රජුන් බඳුවූ මහින්දෝත්තම රාජපක්සාභිධාන මහාධිරජානන්ට හා හෙළයේ වෙහෙරමහා දේවීන් බඳු වූ රන් මාතා ශ්‍රී ලිය වූ ශූරන්තී රාජපක්සාභිධාන මහාදේවීන් වහන්සේට දාව පින්වත් කුමරෙක් ලෙස උපන්නාහ..

අහෝ ඒ කුමරා උපන් වේලාවෙහි මහා අපූර්වයක්මැ සිදුවිය.. මන්දමූලනය මධ්‍යම රාත්‍රී කාලයේ දිවාරාත්‍රී පන්දු තරඟයක චින්නසාමි පිටිය මෙන් ආලෝකමත් විය.. උල්කාවක් පතිතවූවාක් මෙන් පෘථිවි ධාතුව කම්පා විය. අභ්‍යාවකාශයට ගියාක් මෙන් ගුරුත්වාකර්ෂණය ශූන්‍ය වී සකල වස්තු පා වෙන්නට වන්නාහ..
උපන් මොහොතේම පින්වත් පුත්කුමරාණෝ උපන් මොහොතේම නේක විධ මානික්‍ය පුරවන ලද මල්ලක් මැවිණි.. ඒ මල්ලද ශුන්‍ය ගුරුත්වයේ පාවෙන්නට වන් විගසම උපන් කුමරාණෝ මැණික් මල්ල මත නැග

"පෘථිවි ගගනගාමී ඒක් මා
පෘථිවි මහා විද්‍යාඍෂි ඒක් මා
විද්‍යා දත්තා ඒක් මා
යේ හෝ මෙ පෘථිවි ධාතුන්..
නහී අන් විද්‍යා ඍෂි.."

( පෘථිවියේ එකම ගගනගාමියා මම වෙමි., එකම පෘථිවි විද්‍යඥයා මම වෙමි.. විද්‍යාව දත්තා මම වෙම්.. මේ පෘථිවි ධාතුවටම මා වන් අනෙක් විද්‍යාඥයෙක් නැත )

කියා කේශර සිංහ රාජයෙකු මෙන් සිංහනාද කළාහ.. මේ සිංහනාදයෙන් කම්පිතව ගිය මොහොතේ මේ නම් කවදා හෝ සීඇෆැලක් මෙන් මෙලොව බබළවන මහා පුත්‍ර රත්නයක්මැයි කියා "චන්ද්‍රයා දිනන රෝකැට්ටුවක් මෙන් සිතක් ඇත්තා" යන අර්තයෙන් "ඡන්දන රෞහිතා " ලෙස නම් තබන ලද්දාහ..

Tuesday, August 15, 2017

ශිරන්ති මැතිණිය වෙනුවෙන්

==  ==

( අම්මා සඳකි ගීතයේ තාලයට ගායනා කරන්න )

මහ රජු සඳකි මහ රැජිනිය හිරුය රිදී
ඒ ඉර හඳින් ටසිරිලකම එලිය වුනී
රැකුමට පුතුන් සිරිලිය දුක් ගැහැට විඳී
ශිරන්ති නමට කව් ගී ලියැවුණා මදී...

සිරිලක දරුවනට පෙර පාසල් මැවුවේ
කුසයේ නොදැරුවත් කාල්ටන් මව වූයේ
ඒ පින් මහිමයට රන් කහවණු මැවුණේ
පුදුමයි පුතුනි යහපාලනෙ පළි ගන්නේ...

රජු හට මුවාවී සිරිලිය සවි කෙරුවේ
ඇය වේ පුතුනි නෑ නුඹලා එය දන්නේ
තාජුඩීන් ගැන කොහොමද ඇය දන්නේ
අප්පච්චිලා පමණද මතු බුදු වන්නේ...

#අකලංකාරය
  - චමල් අකලංක පොල්වත්තගේ

Monday, August 14, 2017

ක්‍රිකට් කණ්ඩායම ඉල්ලා අස්වෙයි


රවි කරුණානායක ආදර්ශයට ගෙන ශ්‍රී ලංකා ක්‍රිකට් කණ්ඩායම ඉල්ලා අස්වෙමින් චන්දිමාල් සිදුකළ සම්පූර් කතාව
.
.
ගරු ප්‍රධාන විනිසුරුතුමනි

952 වාර්තාගත විප්ලවයෙන් පසු අප වෙහෙසුණේ ඊට වඩා ලොකු වාර්තාවක් තියන්නයි. ඉතින් අපිට එල්ල කරන චෝදනාවන්ට කිසිම පදනමක්‌ නෑ. ඒ කිසිවකට අපි සම්බන්ධ නැහැ. නමුත් සමහර කණ්‌ඩායම් සහ මාධ්‍ය දැනටම අපි වැරැදිකරුවෙක්‌ කර තියෙනවා. පසුගිය දින කිහිපය තුළ අපේ ජනමාධ්‍ය මා සම්බන්ධව කටයුතු කළේ ඉතිහාසයේ කිසිම අවස්‌ථාවක කටයුතු නොකළ ආකාරයකටයි. ඔවුන් අපි ක්‍රීඩාගාරයට දක්‌කා සස්ටජන් දිය යුතු බව පවසනවා. බින්දුමාල් කියා මට අපහස කරනවා.. අපි ඒවායින් සැලෙන්නේ නෑ. යේසුස්‌ ක්‍රිස්‌තුන් වහන්සේ ට අපවාදවලට මුහුණ දීමට සිදු වුණා. බුදුරජාණන් වහන්සේටත් අපවාදවලට මුහුණ දීමට සිදු වුණා.

අටලෝ දහමට අනුව මෙවැනි අවස්‌ථාවන් හා අභියෝගයන් ඕනෑම ක්‍රිකට් කණ්ඩායමකට එල්ල වෙනවා. ඒ අභියෝගයන්ට මුහුණ දීමේ ශක්‌තිය අපිට තියෙනවා. නමුත් අපිට විරුද්ධව ඇති චෝදනා පදනම් කර ගනිමින්, ක්‍රිකට් කණ්ඩායම අස්‌ථාවරත්වයට පත් කිරීමේ කුමන්ත්‍රණයක්‌ දියත් වන බව මට වැටහෙනවා.

Friday, August 11, 2017

රවීගේ නිවසට විශේෂ ආරක්ෂාවක්

====

කෝට්ටෙන් එන ආරංචි මාර්ග ප්‍රකාශ කලේ මේ වන විට ‍රවීගේ ඉල්ලා අස්වීමෙන් පසු පවත්වන speech of the window හෙවත් ජනෙල් පඩියේ දේශණය සඳහා සියල්ල සූදානම් කර ඇති බවයි. ඉල්ලා අස්වීමෙන් පසු සිය ගම වෙත පැමිණෙන ‍රවී මහතාගේ  නිවසට විල්පත්තුවෙන් ආනයනය කරන ලද ලුණුමිදෙල්ල ජලෙන් පඩියක් යතු ගා වැලිකඩදාසියෙන් මැද තීන්ත ආලේප කර නිවසේ ඉදිරිපස සවිකර ඇති ආකාරයක් අපට දැකගන්නට පුළුවන්..

රවී ප්‍රකාශකයෙකු සඳහන් කළේ මේ එල්ල කරන බොරු චෝදනා ඔහුගේ කෘතහස්ත දේසපාලන ජීවිතය අඳුරු අගාධයකට ඇද දැමීමේ අරමුණින් රාජපක්ස හිතවාදීන් හා ආණ්ඩුවේම කුමන්ත්‍රණකරුවන් විසින් ගෙනයන වැඩපිළිවෙළක් බවට විශේෂ හෙලිදරව්වක් කිරීමට රවී මහතා බලාපොරොත්තු වන බවයි..

Saturday, August 5, 2017

බැඳුම්කර ගීතය - 2 - මම දාලා යන්නෙ නෑ

== . ==

 ("මුලදි බැන්ද ආදරයක දැන් " ගීතයේ තාලයට ගායනා කරන්න.. )


කවිය -
( මගෙ වැඩ හැරම පෙර හොර වැඩවලට වෙන
නඩු නොවැටෙනා කරුමෙකි මගෙ පස්සේ එන
බැසිලා යෝසිතලා ගෝටලා සැප විඳින
උන් ගැන නොසොයනා උන්ටත් වැදිය හෙණ...)

ගෙයක් ලැබුණ ඇමතිකමක මිහිර දැන්
සැනසීම සොයමි බැඳුම්කරය තද කරන්
කොමිසන් නඩු ආවත් මට කොයි තරන්
මම දාලා යන්නෙ නෑ කීවට මට හිටං.....

ගෙයක් ලැබුණ.....

මා අසරණ කළ මුත් කොමිසන් තියා
හිතුවාද මමත් ඕවට රැවටෙයි කියා..//
එහෙම කලොත් යම් කිසි දවසක මෙමා
මා බේරගන්න එන්නේ ඔනෙලා තමා....//

කොමිසන් නඩු ආවත් මට කොයි තරන්
මම දාලා යන්නෙ නෑ කීවට මට හිටං.....

කොයි ඇමතිලා හිටියත් දියවන ඇලේ
ඒ සැවොම පරාදයි ගේමට අපේ මොළේ...//
රනිල් මහේ ඇලො අපි සූරයො වගේ
අමතකයි කියමු ඇහුවොත් දුමියා වගේ...//

කොමිසන් නඩු ආවත් මට කොයි තරන්
මම දාලා යන්නෙ නෑ.., කීවට මට හිටං.....
ගෙයක් ලැබුණ ඇමතිකමක මිහිර දැන්
සැනසීම සොයමි බැඳුම්කරය තද කරන්....


#අකලංකාරය
  - චමල් අකලංක පොල්වත්තගේ

Wednesday, August 2, 2017

බැඳුම්කර ගීතය


== ==

" ආයෙත් වරක් "  ගීතයේ තාලයට ගායනා කරන්න
.

හිටියානං මටත් ඩේසි ආච්චී වගෙ කෙනෙක්
මට නෑ මේ වගේ අමතක වෙන්නේ..
එක කුටියකත් මගෙ මොළේ නෑ බැඳුම්කරේ..
අර කොමිසමෙන් ඇහුවමුත් හොරකමක් වගේ...

ආයෙත් වරක් මට වඩා ලොකු හොරෙක්
හමු වේවා කියා ඔබට මා පතනවා....//

කාලෙකින් ඇමතියෙක් වූ නිසා
බැඳුම්කරේ නොදැනීම පැන්නුනා..
තේරුනේ මට කෙලවුනා කියා
ඇලෝසියස් දීපු ගේ දුටු නිසා....

එක කුටියකත් මගෙ මොළේ නෑ බැඳුම්කරේ..
අර කොමිසමෙන් ඇහුව‍මුත් හොරකමක් වගේ..
ආයෙත් වරක් මට වඩා ලොකු හොරෙක්
හමු වේවා කියා ඔබට මා පතනවා....

පක්ෂයේ යළි මුදල් නැති වෙලා
තේරුනොත් මම ඉස්තරම් කියා...
මහබැංකුවේ දොරගුලු කඩා දමා
ආයෙමත් ඔබ එන්න මා සොයා..

එක කුටියකත් මගෙ මොළේ නෑ බැඳුම්කරේ..
අර කොමිසමෙන් ඇහුවමුත් හොරකමක් වගේ...

හිටියානං මටත්....


#අකලංකාරය
  - චමල් අකලංක පොල්වත්තගේ

Monday, July 31, 2017

කුඩ කතාව හා කිම් ජොන්

==  ==

අද හවස හදිස්සියේ මාගේ සුසුම්නා සීර්සකය ප්‍රකම්පනයට පත්ව හල්ක් විසින් උස්සා පොලොවේ ගසන ලද්දාක් වැනි හැඟීමක් ඇතිවුනේ පෝන් එකේ ඩේටා නැති බව දැනගෙනය..
සල්ලිත් අරගෙන දොර ගාවට එනවිට වැස්සක් කඩාපාත් විය.. මං හිතන්නේ අල්ලපු ලේන් එකේ ගුණවතී ආච්චි මල් පූජා කරනවා විය යුතුය.

නංගීට කතා කර කුඩයක් ඉල්ලූ අතර  ගෙනත් දුන්නේ කුවේණිය , ගාමන්ට් එකේ වැඩට යද්දී ගෙනගිය එකටත් වඩා පරණ කුඩයකි..  මට මැජික් ඉගෙන ගැනීමට ආසාවක් තිබුණද පුළුවන් එකම මැජික් එක කුඩ අතුරුදන් කිරීමය.. මහින්ද රාජපක්ස හා රනිල් මහත්වරුන් විසින් ජාතික සම්පත් අතුරුදන් කිරීමටත් වඩා ඉක්මනින් මට එය සිදුකළ හැක..  එය වෙන්නේ කෙසේද කියා මමවත් දන්නේ නැත..

Saturday, July 29, 2017

හඳහන් නොගැලපුනොත් බඳින්නැද්ද..?



මගෙ යාළුවෙක් මෙහෙම කතාවක් කිව්වා..

" මචං ගර්ල්ෆ්‍රෙන්ඩ් මට කියනවා කොයිකටත්  හඳහන ගෙනල්ලා දෙන්නකො.. අපි ඒක බලමු.. අපේ අම්මලා කොහොමත් හඳහන් බලනවා.. "

කියලා..

දැන් මගෙන් ඕක ගෑණු ළමයෙක් ඇහුවනං මම ඊළඟට අහන ප්‍රශ්ණෙ..

"දැං හඳහන් නොගැලපුනොත් බඳින්නැද්ද..? "

එහෙම නෑ කියනවනං එහෙම කෙනෙක්ව නොබැඳ ඉන්න එකම හොඳය..

හඳහන් නොගැලපුනත් අවුලක් නෑ කියනවනං ඊළඟට අහන ප්‍රශ්ණෙ..

"අවුලක් නැත්තං මොන මගුලටද ඕයි ඕක බලන්නෙ...?? "

කියන එක..

ඒ කොල්ලායි කෙල්ලයි දෙන්නම උසස් අධ්‍යාපනේටත් විද්‍යාව ඉගෙනගත්ත සහ  ඉගෙනගන්න උන්....

උන්ගෙ වරදකුත් නෑ.. මේකෙ කාලයක් තිස්සෙ හදපු මැටි සංස්කෘතියට උන් මොනව කරන්නද.. ගෙදරින් එන පීඩනේට කෙල්ලත් අසරණයි..

" කලින් උඹලා දෙන්න ඕක බලලා ගැලපෙන්නෙ නැත්තං වෙන සාත්තරකාරයෙක්ට ගාණක් දීලා කෙල්ලගෙ හඳහනට ගැලපෙන එකක් හදලා නැන්දම්මලට පෙන්නහන්.."

 කියල මං කිව්වා..

                      ===========

Wednesday, July 26, 2017

රවිචන්ද්‍ර කාරුණික මහා මන්දිර කතාවත්තුව


යටගිය දවස ටසිරිලක මහින්දෝත්තම රාජපක්සාභිධාන මහාධිරජාණෝ රාජ්‍ය විචාරන කල්හී සකල ශ්‍රීන් පිරි උගන්ඩානු අධිරාජ්‍යයද ස්වාසිලන්තානුරාජ්‍යයද ආදි වූ ලෝක ගෞරවබහුමානයට පාත්‍ර වන්නට යෙදුනාවූ මහාධිරාජ්‍යන් පවා මවිතයට පත් කරමින් හාපික් දමා දිනකට තුන්වරක් පවිත්‍ර කළ වැසිකිළියක් පරිද්දෙන් ටසිරිලක බැබලූහ.. ඒ අභිමානවත් භාවය එලෙසම රඳවනු නියා එතුමාණන්ගේ අනුප්‍රාප්තික සරලාභිධාන නරේන්ද්‍ර මෙත්පල් නිරිඳානෝ එක් පැකට්ටුවකින් සතලිස් කෝප්ප තේපැන් සදනා මිසිස් පෙරේරාණන් මෙන්මැ සකසුරුවමින් සරලව ජාත්‍යන්තරයද මවිත කරමින් බෝ ජන හිත සුව පිණිසමැ රට කරවාපීයැ..
මෙසේ සශීකවැ රට කරන්නට නම් කහවණු පිරිමැසුමෙන්මැ යොදවාපිය යුතුමැ. අග්‍ර ඇමැතියාණන්ට පමණක් දෙවැනි වූ මේ කර්තව්‍ය ඉටුකළෝනම් රවිචන්ද්‍ර කාරුණික මහාමාත්‍යයෝයැ..
එතුමාණෝ මහාභාණ්ඩාගාර භාර ඇමැතියා ලෙස ටසිරිලක මහා භාණ්ඩාගාරය නිධානයකට අරක්ගත් බහිරවයකු මෙන් රක්ෂා කරවාපියාහුය.. පූර්වයෙහි සැටලයිටානියා මහා  අධිරාජිණිය රජකම් කරන සමයෙහි  නැගුනා වූ දුර්භික්ෂයේදී අග්‍රා අමාත්‍ය ධූරන්ධර රෞනීල විකුම්සිහාණන්ගේ මස්තිෂ්කයේ ආනුභාවයෙන් වාණිජාමාත්‍ය ධූරයට පත් රවිචන්ද්‍රයෝ පිටස්තරයනට

Saturday, July 22, 2017

කොකේන් වැනුම | අකලංකාරය

== ==

රැගත් කොකෙන් පිරුනු අතින්
සුරත් තඹරු පෙති දෙනෙතින්
පුවත් නොදැන බමන මතින්
අයෙක් පිටට එයි සතොසින්...

සරා සළෙළු දන විගසේ
සුරා පාන කරන ලෙසේ
ගෙදර යන ගමන් මෙලෙසේ
කොකේන් රැගෙන යයි සතොසේ....

දුමින්ද කුඩු වල බල පසුබැස්වූ
ඇහින්ද ලෙස සුදු සීනියෙ රසවූ
කොහෙන්ද නොදැනම මෙහි ගොඩබැස්වූ
සුරන්ද සපැමිණ සතොසට රැස්වූ..

නොහැරා කොකේන් රස
නෑරා හැරම උවදෙස
දිනක් බමනා ලෙස
පා නගනු තොප බලා මෙ සතොස..

කන්ටේනරෙන් බානා
ෂොට් එකට ගත සැලෙනා
බ්‍රසීලේ සිට වඩිනා
සැවොම එන්නා සීනි ගන්නා...

එළවලු පලතුරට
හාල් තුනපහ ගන්නට
‍යන ලෙස පෙර ලෙසට
කොකේන් ගන්නට එන්න සතොසට...

ෂොට් එක උදේමද
දිවා රෑ කළ දෙකටද
ගන්නට මිතුරු සඳ
සතොස හැර වෙන මිතුරු කවුරුද....

හොරකමක් කරන ලෙසේ
වැලි දමා පොලිසියේ ඇසේ
එ කරදර නැත මෙ දවසේ
සීනි ගන්නට එන්න සතොසේ...


#අකලංකාරය
  - චමල් අකලංක පොල්වත්තගේ

Thursday, July 20, 2017

කඩු තුඩු මත සැතපෙන්නෙමි



වික්ටර් රත්නායක මහතාගේ "මියුරු කල්පනා " ගීතයේ

" කඩු තුඩු මත සැතපෙන්නෙමි
   ඔබ සැනසේනම්.... "

පදය මගින් පෙම්වතිය වෙනුවෙන් ඕනෑම භයානක ක්‍රියාවක් කරන බව දැක්වූවද සරල භෞතික විද්‍යාවට අනුව බලන විට සැබැවින්ම කර ඇත්තේ පෙම්වතියව රැවටීමකි..

ඕනෑම බලයක් ක්‍රියා කරන්නේ යම් පෘෂ්ටයක් මතය. එවැනි බලයක් එම බලය යෙදෙන වර්ගපලයෙන් බෙදු විට, වර්ගපල ඒකකයක් මත ක්‍රියා කල බලය හෙවත් පීඩනය ගණනය කරගත හැක..

එම නිසා කඩු තුඩු විශාල ප්‍රමාණයක් මත සැතපෙන විට සිරුරේ ඒකක වර්ගඵලයක් මත එල්ල වන බලය අඩු වන නිසා වේදනාව දැනෙන්නේ නැත..

#ගීතයටාරුතක්
#අකලංකාරය
  - චමල් අකලංක පොල්වත්තගේ

Thursday, July 13, 2017

ජයදේව කේ. සමිත්

ජයදේව කේ. සමිත් කියා අයෙක්ගෙන් පේස්බුක් එකට මොකක්ද එකක් වෙනවා කියා කිහිප දෙනෙක් මට පණිවිඩ එවා තිබූ නිසා මදක් විපරම් කර බැලීමි. පරණ ණය කාරයෙකු හෝ නැති නිසා කල්පනා කර බැලුවේ මේ මොකාද කියාය. මා දන්නා ජයදේවයෙක් නං නැති අතර පුස්සදේව, කංචදේව , කියා යෝදයන් දෙන්නෙක් ගැන පොඩි කාලේ අසා ඇත.
ඒ කාලේ ඉතිහාසෙ ටීචර් කියූ පරිදි මේ ඩෑල්ස් වලට ජේසීබී එකක් සේ ඕනෑම බර වැඩක් කිරීමට හැකියාව තිබී ඇත.
මේ වගේ සක්ති සම්පන්න වීර වැඩ කල කොන්ද පණ තිබූ ඩෑල්ස් වැඩියෙන් හිටියේ දුටුගැමුණු රජතුමා සමග වැව්බැඳි රජරට පැත්තේ කියා ඇය තවදුරටත් කියූ අතර අපේ ජනාධිපති තුමාද රජරට කොල්ලෙක් නිසා අද ඒ කතාවඇල්වතුරට උල්පිහියෙන් ඇන්නා සේ විස්වාස කරමි. ..

මේ රජරට කතාව ඇසූ දකුණේ ඩෑල්ස් එකක් අත උස්සා "ටීචර්..." කියා නැගිට්ට මොහොතේම

Saturday, July 8, 2017

Battery low

"සියළු ස්මාර්ට් පෝන් බැටරියෝ බසින සුළුය. නොපමාව චාජ් කරන්න.."

කියා පෙර චමලේ පොල්වතාණුවන් විසින්  අකලංකාරයෙහි දක්වා ඇති උදාන වාක්‍ය මට සිහිපත් වන විටත් මා ප්‍රමාද වැඩිය. අප්පච්චී පැරදුණු කලක මෙන් පෝන් එකේ බැක්ලයිට් අඩුවී ගණ අන්දකාරයෙන් මා වෙලාගෙනය. මගේ දුරකතනයට තිබෙන්නේ බැටරි ප්‍රශ්නයක් නොවන අතර එයට ඇත්තේ බැටරි නැති ප්‍රස්ණයකි. ඉස්සර කාලෙ නං ඉතා කුඩා කාලයක් හැඟවීමට කිව්වේ අසුරු සැණින්.., ක්ෂණිකව... ටක් ගාල.. ටිං ගාලා වගේ පද ය. දැන් ඒ වෙනුවට "පෝන් බැටරිය වගේ" පද යොදා ගත හැක..
" ඉස්මාර්ට් පෝන් බැටරියක් සේ අප අතරින් අකාලයේ වියෝවූ ඔසාමා බින් ලාඩන් " ආදී උපමාවක් ලෙසද මෙය යොදාගත හැක.

මට වෙලාවකට හිතෙන්නේ මේ අර්බුදය පසුපස ඇත්තේද චාලි ඔස්ටිනා කියාය..  සුවර් එකටම ඕකාට පවර් බෑන්ක් කොම්පැණියක් ඇතුවා විය හැක. ඒකේ සේල්ස් වැඩි කර ගැනීමට බැටරි බහින පෝන් හදා විකුණනවා විය හැක.

බැටරියත් සිරිසේන ජනාධිපතිගේ දරුණු පියවරක් ගන්නවා කියා දෙන ටෝක්ස් එකක් වගේය.. මහින්ද මහතා බලේ අල්ලනවා කිව්වා වගේය..2020 ජවිපෙ ආණ්ඩුවක් එනවා කිව්වා වගේය..  ආණ්ඩුව හොරු අල්ලනවා.. යහපාලනේ ගේනවා.. ඩෙංගු මර්දනේ කරනවා කිව්වා වගේය.. පුල් චාජ් එකේ ටෝක්ස් එක දුන්නාට පසු ලද සැනින් එසැනින් බැස යයි..

ඉස්සරනං බැටරිය බැසීම නිසා සිදුවන්නේ වැඩිම උනොත් කෝල්ලෙකක් ගන්න බැරි වීමය..  නමුත් දැන් තත්වය වෙනස් ය.

මේ තියන තත්වය නිසා මා බියෙන් පසුවන්නේ පේස්බුක් එකේ පේජ් වල වදන් හා ටෝක්ස් බැලීමට නොහැකි වීම නිසා මගේ ජීවිතය හැඳිගෑවී ජීවිතයේ තනිමංසල අතරමං වී අනාගතය ගණ අන්දකාරයේ ගිලී යයි කියාය.. මට කලුවරේ  පීනන්නත් බැරිය..
එමෙන්ම මට ඇක්ටිව් පේස්බුක් ප්‍රෙන්ඩ් කෙනෙක් වීමට නොහැකි වීම නිසා ඩෙංගු මර්දනේට පොල් කෝම්බ හොයා වත්ත සුද්ද කරනවාටත් වඩා ඕනෑකමින් ප්‍රෙන්ඩ් ලිස්ට් එක සුද්ද කරනා ඩෑල්ස් එකකින් හෝ ඩෑලාවියකගේ ලිස්ට් එකෙන් අතුගෑවී යාමට සිදුවේද කියාද අන්නශ්‍රෝතයේ සිට ලැන්ගර්හැන්දීපිකාව දක්වා පැන නැගෙන බියකුත් ඇත.  එහෙම වුවොත් නං ජීවත් වී තවත් පලක් නැත.

ඕකෙ වාසියකට කියා ඇත්තේ වැදෙන්න දාන පෝස්ට් වලින් නොවැදි බේරීමට හැකිවීම නිසා අතපය බෙල්ල හා දත් නොකඩාගෙන ජීවත්විය හැකි වීමය.

 ලෙඩක් හැදුනාම සුවය පතා සෙයාර් කර ගැනීමට පෝස්ට් එකක් දැමීමටවත් නොහැකි වීම නිසා දැන් බෙහෙත් වලටද මුදල් වැය කිරීමට සිදුව ඇත. දොස්තරලාට හිත රිදෙන කතා කියන උන්ව බෙහෙත් ගැනීමට ගිය විට පොටෝ ගසා ජාත්‍යන්තරේට යවන නිසා පේස්බුක් එකේ සුවය පතා ලෙඩ සුව කරගන්නා ක්‍රමේ මටත් කිව්වේ හිපොක්‍රටිස් මාමා ය..  ඕකුන්ට නං හොඳම වැඩේය. හොරා කෑවට මොකො යුද්දෙ දින්නනෙ කියා නැපෝලියන් බොනපාට් මහනුවර මගුල්මඩුවේදී කියා ඇත්තේ සල්ලි හොරා කා බේබද්දෙකු වී ඇති බවට රටවැසියෝ චෝදනා කල විටය.. කොහොමත් සයිටම් ඩොකාලා ආවත් අබසරණ නිසා පේස්බුක් එකේ සුවය පතා සෙයාර් කිරීම හොඳය.

කෝල් ගන්නේ මැසේජ් දාන්නේ වට්සැප් වයිබර හෝ මැසේන්ජරයෙන් ය. බැටරිය බැසීම නිසා ඕවාටද රිප්ලයි කරන්නේ පෝන්නෙක චාජ් කරලා ය. බැටරිය බැස ඕවා ප්‍රමාද වීම නිසා ඇතිවෙන ප්‍රස්ණ ට්‍රම්ප් කාරයාටවත් ඇතිවන්නේ නැතුව ඇතිය.

පවර් බෑන්ක් උස්සාගෙන හැමතැනම යාමද කළ නොහැකි වන්නේ මාගේ සිහිකල්පනාවේ හැටියට තැන තැන  අමතකව දමා එන නිසාය.  ඒ නිසා කුමන හෝ දෙයියන්නාන්සේ කෙනෙක්ට ඔන්ලයින් පඬුරක් ගැට ගසා විද්‍යාඥෞත්තමයෙක්ගේ දෑස් පෑදී පෝන් එකේ කුඩා ජලවිදුලි බලාගාරයක් හෝ හදන්නට හිත පහළ වේවායි කියා උදේ හවා පෝන්නෙක චාජ් කර කර ප්‍රාර්ථනා කරමි..

#අකලංකාරය
  - චමල් අකලංක පොල්වත්තගේ



Thursday, July 6, 2017

ආණ්ඩුක්‍රම වියවස්තාවට ත්‍රීරෝද රත සංගං විරෝදය

===  ===

හංදියේ ත්‍රීවිල් පාක් එකක් ඇත.ත්‍රීවිල් පාක් එකේ ත්‍රීවිල් නැතුව ප්ලේන් නවත්වන්නේ නැති නිසා පේලියට ත්‍රීවිල් නවත්වා ඇත. කස්ටිය හයර් එකක් එනකන් උදේ සිට බලන් ඉන්නවාය. කොච්චර කියෙව්වත් ඉතින් හයර් නාවොත් හුළං ය.. ඔය ඉන්න අතරේ කස්ටියක් දාං අදිති. තව සෙට් එකක් පත්තර බලති. කොල්ලෝ දෙතුන් දෙනෙක් නං පෝන් එක ඔබ ඔබා පේස්බුක් යති.
පෙට්ටි කඩෙන් සිගරට් එකක් එක්ක ප්ලේන්ටියක් බොති.
ලංකාවේ උන් ඉතින් තනියම හිටියත් සංගමයක් අටෝගන්නා නිසා ඔතනද සංගමයක් ඇත. සංගමයක් කීවාට සංගං දෙක තුනක්ම ඇති බව දැන ගත්තේ ඉඳලා හිටලා හයර් යන විටය. එක තැන නවත්තාගෙන හිටියට එකම ජොබ්බෙක කලාට උන් එකාට එකෙක් නැත. සංගං ද පිහිටවා ගෙන ඇත්තේ එකම සෙට් එක කෑලි වලට එක එකා කඩාගෙනය.. එක්සත් ත්‍රීරෝද රත සංගමේ කීවාට ඇති එක්සත් එකක් නැත. සංගං දෙකක් ලොකුය.. අලුතෙන් ආපු උන් අඩුකුලේ පර හැත්තය. උන්ට දාං ලෑල්ල

Wednesday, June 28, 2017

කස්ටර්මර් කෙයාර්

==  ==

ඉන්ටර්නෙට් හරහා කෝල් මැසේජ් දමන විට මා අතේ සතේ නැති හිඟන්නෙක් කියා සමහර උන් සිතුවද ( ඔව් ඒකෙ ඇත්තක් නැත්තෙම නෑ ) වට්සැප් වයිබර හෝ මැසේන්ජර් කෝල් ගන්නා මැසේජ් දමනා ඇත්තම හේතුවනං පෝන් එකට සල්ලි දැමුවද දැමූ මොහොතේම ඒවා වාස්ප වීමයි. එවේලේම කතා කර අවසන් කලේ නැත්තං ඒ මුදල් මාගේ දුරකතනයේ බැටරිය මෙන් මේ බලා ඉද්දීම නැතිවී යන්නේ කොල්ලෙක් hi dr කියූ විට කෙල්ලෙක් ඕෆ්ලයින් යනවාටත් වඩා වේගයෙනි.. ඒ නිසා හදිස්සියේ එක කෝල් එකක් ගැනීමට සල්ලි දැමූ විට නැවත වෙන මොකෙක්ට හෝ කෝල් එකක් ගෙන සල්ලි ඉවර වෙනතුරු කතා කරන්නේ සූරපප්පා එකේ මුහුදු මංකොල්ලකාරයා උගේ නැව ගෝල් කාරයන්ට ගිල්වන්නට නොදී  ඌම පොරොවෙන් ගසා ගිල්ලවා ගත්තාක් මෙනි.  මොබිටෙල් එකට නිකන් සල්ලි පූජා කරනවට වඩා මමම කතා කර මගේ සල්ලි මමම කා ගන්න එක හොඳවන අතර අඩුම තරමේ කාලෙකින් කතා නොකල එකෙක්ට කතා කිරීමට අවස්තාවක් හෝ ලැබේ..

Tuesday, June 27, 2017

සයිප්‍රස් පොළොස්


== ==

කෙල්ලක් සහ කොල්ලෙක් ගැන මොකක්ද  කතාවක් මට දැනගන්න ලැබුණේ ගැහැනු ළමයෙකුගෙනි..
පෝන් එකේ හැමදාම සල්ලි නැති නිසා ගන්නේ වට්සැප් මැසේන්ජර හෝ වයිබර කෝල් ය..
ඒවා ලාබ වුවද සිග්නල් නං නැත. සිග්නල් තබා ක්ලෝගාඩ් දන්තාබුජ වත් නැත. ගෙදර ඉන්නා විට ඉනිමග තබා වහලයට නැග කෝල් එකක් ගෙන මක්කමට අන්තරේ පැන පොලීසියෙන් නෙලුවා සේ අතපය කඩා ගැනීමට නොහැකි නිසාත් අවධානමක් ගෙන කතා කෙරුවද හදිසියේවත් සිවිලිමට නැග්ග ගාෆීල්ඩ් වගේ හොරෙන් බහින්නට ගොස් අම්මාට මාට්ටු වූ විට නැවතත් අතපය කඩාගෙන අර සන්තෑසියම වෙන නිසා අපේ සම්බන්ධෙට මොබිටෙල් එකෙන් විරුද්ධ බව කියා ඇය හා කතා කරමි.

කෙසේ හෝ උදේ ඇය මට කඩින් කඩ ඇසෙන වට්සැප් කෝල් එකෙන් කෙල්ලෙක් හා කොල්ලෙක්ගේ කතාවක් කියා "සයිප්‍රස් පොළොස්" දුන්නා දැක්කදැයි කියා ඇසුවාය....

මේ කියන්නේ මොන මාතාවගේ වස්ත්‍රයක් දැයි කියා මම කල්පනා කලෙමි. කොල්ලෙකුයි කෙල්ලෙක්ගෙයි පොලොස් ගෙඩියකයි තියන සම්බන්ධේ කුමනාකාරයේ එකක්ද.. කට්ට ගොරෝසු නිසා ලව් මගුලක්ද විය නොහැක.. ඔන්න පිපිඥ්ඥා වගේ කීවානං ඒ පොත්ත වගේ සිනිදු ඔලිම්පස් සබං ලව් එකක් උන්ට ඇතිය කියා සිතිය හැක.. එහෙනං උන්දෙන්නා පොලොස් ගෙඩියක් තියාගෙන කරන බම්බුව කුමක්ද .. එක්කෝ දානෙකට විය යුතුය. නැත්තං ඉතින් කෙල්ලට දොළ දුකක් හැදී ඇතුවා විය හැක.. ඒත් ඉතින් කෙල්ලෙකුයි කොල්ලෙකුයි පොලොස් ගෙඩියකයි සිද්දියක් මට කෝල් කර කීමට තරම් මිත්තනියට ප්ලාස්ටික් හාල් ගරන තරං නිව්ස් එකක් උනේ කෙසේද..
ඔය ආකාරයේ දාහක් කතා මට සිහිපත් විය..

Tuesday, June 20, 2017

චමලේ බස්සෙකේ හෑන්ඩ්ස්ෆ්‍රී සහ ඉස්පීකරේ

==  ==

ඉසිපතන හන්දියෙන් 138 ට නැග්ගෙමි.. කොන්දයියා ඉඩ තියනවා මල්ලි ඉස්සරහට යන්න කී විට මම හිටියේ පුට් බෝඩ් එකේය. කී හැටියට මම හිතුවේ ඇතුලේ ඇති ඉඩ ප්‍රමාණයේ කස්ටිය ක්‍රිකට් මැච් එකක් ගහන අතරේ බස් එකේ පොඩි උන් පැත්තකින් වන් බම්ප් එකකුත් ගහන්න තරම් ඉඩක් තියනවා කියාය. බස් එකට නගින රටකජු කාරයෙක්ගෙන් රටකජු ගොට්ටක් ගෙන ක්‍රිකට් මැච් එක බලනවා කියා බස් එක ඇතුලට ගිය පසු දැකගන්නට ලැබුනේ කොන්දයියා කියූ ඉඩේ තරමය.
හයයි හතරේ කඩ කාමරේක නිසැක ධාතු පෙන්නා ඒ ඇතුලේ ඩේටා දන්සලක් දුන්නාසේ බස් එකේ සෙනගය.. උතුරින් හයයි හයේ ඩෑල් එකක් ය. දකුණින් කුඩයක් අතින් ගත් ඇන්ටියෙකි. මා කෙසේ අතපය දිග හරිම්දෝ අපෙ හාන්දුරුවනේ කියා කෙසේ හෝ පසුපස දොරට විරුද්ධ පැත්තේ ඇති අසුනෙන් අල්ලා ගත්තෙමි.

බස් එකේ දැක්කේ මා සිනා පෑවේ නැති උනාට ලස්සනේ බැරි සාරි අඳින ඔෆිස් යන සුරඟනක් කොනේ අසුනේ ජනේලෙන් පාර බලාගෙන සිටි නිසා ඒ දෙස බලා ෆයිනල් ගියේ නැති උනාට කමක් නෑ ඉන්දියාවට ගැහුවනේ හැඟීමෙන් හිත හදාගෙන මෛත්‍රීපාල ජනාධිපතිතුමා භාවනා කරන්නාක් මෙන් ඇකිලී උඩ පොල්ල

Monday, June 19, 2017

අපේ ධර්මේ ඩෝ



කවුද @$@&# අපේ ධර්මෙට අපහස කරන්නේ..
මරාගෙන මැරෙනවා යකෝ..
අපි යක්කු @%@&@*..
මෙන්න මුං අපේ ආගමට අපහස කරනෝ
අතපය කැඩෙන්න කියා සෙයා කරපාන්
හැඳිගෑවිලම පලයාන්
හෙන දාහතරක් ගහන්න කියා ලයික් කරපාන්
මරපාන් කොටපාන් අඬු කඩපාන්
ඕකුන්ගෙ සනුහරේවම ගිනි තියපාන්
ආදී ලෙස දවස පුරා සයිබරයේ එහෙ මෙහෙ යන විවිධාකාරයේ ආගමික ලිපි පින්තූර දකින්නෙමි. එසේ හැසිරෙන ත්‍රස්තවාදි භික්ෂූන්ද බොහෝ ඇත..
එසේ ශාප කිරීම් හිංසාවන්ට පෙළඹවීම් හෝ හිංසා කිරීම් දියුණු සමාජයකට නොගැලපෙන අයහපත් ලක්ෂණ බව මීට පෙර පැවසීම නිසා ngo කාරයෙක්, පල්ලි කාක්කෙක්, බටහිර කුමණ්ත්‍රණ කරුවෙක්ගෙන්ද නොනැවතී isis හිතවාදියෙක් බවටද පත්වීම් ලැබුවෙමි..

ඒ නිසා මා මේ පිළිබඳව සිද්ධාර්ථ ගෞතමයන් විසින් එසේ අපහස කරන්නන්ට සාප කර අඬු කඩා මරා දමන ලෙස දේශනා කර ඇත්දැයි සොයා බලන විට සූත්‍ර පිටකයේ දීඝ නිකායේ බ්‍රහ්මජාල සූත්‍රයේ මෙසේ සඳන්වී ඇති බව දුටුවෙමි..

Sunday, June 18, 2017

සරලාභිධාන නරේන්ද්‍ර මෙත්පල් මහා හුලවාලි හූනියම් කප්ප කතාවත්තුව




පෙර ටසිරිලක මහින්දෝත්තම රාජපක්සාභිධාන මහාධිරජාණන් වහන්සේ රාජ්‍යනම් කිමැයි බලය නම් නැතිවන සුළුයයැයි කියා නවකයන්ට අවස්ථාව ලබා දෙන නියා අයිපීඇලායට නොයනා චන්දිමාලයන් මෙන් රාජ්‍ය බලය සිය අනුප්‍රාප්තික වෙද ඇමැතියාවූ මෙත්පල් සිරිසන් තෙමෙ හට රාජ්‍ය පවරා දී මන්දමූලන ග්‍රාමයට භාවනාව පිණිසම නික්මුණාහුය..

මෙකල පෙර මහින්දෝත්තම අධිරජාණන්ගේ කල මෙන්මැ පිටසක්වල ආස්චර්‍යය බවට පත්වෙමින් ටසිරිලක ඉසි අම්මා නැවත පැමිණෙන ලද්දාවූ මේ ආදරයයි මෙන් බැබළි බැබලී ඉදිරියටම ගියාහුය.. ටසිරිලක කොතරම් ඉදිරියට ගියාහුදැයි කියන්නේනම් දක්ෂිණ භාරතයේ තුත්තුකුඩියේ ගැටෙයි කියා භාරතාධිරාජ්‍ය මෝඩියෝ බියැවීද සිටියාහ..  මෙත්පල් නිරිඳානන්ගේ රාජ්‍ය පාලනයේ ආනුභාවයෙන් කහවනුවෙන්ද සහලින්ද බතින්ද බුලතින්ද ගලින්ද පෝෂිත වූ ටසිරිලක.. හාපික් දමා පිරිසිදු කරන ලද වැසිකිලි පෝච්චියක් මෙන් මහමග බිඳකුදු කසල නොතිබෙන්නා වූ නියා දැක මෙරට වැස්සෝ නම් පාරිභෝජනයේ නොයෙදන ලෝභයන් යැයි විදෙස් වැසියෝ සිතාවියි කියා සිතාමතාම කශල තබන ලද්දාවූ තරමටම ටසිරිලක පාරිශුද්ධ වීයැ. මදුරු වසංගත කොතෙක් අවම වූයේ දැයි කියතොත් කුඩාවුන්ට මදුරුවෝ බලාගැන්මටමැ දේහිවලා පුරයෙහි සත්වෝද්‍යානයේ ඩෙංගුද බරවාද මැලේරියාදී ලෙසින්මැ මදුරු කුටියක්ද සාදා නිමකරැලීය..
මහ ජනතාවෝ අත කෙතරම් කාසි ගැවසුනාදැයි කියන්නේනම් කහවණු වාසනා ලබා ගැන්ම පිණිසම පිහිටවා තුබූ ලොතරැයි

Thursday, June 8, 2017

ඇඳිවත නැති කත හා නමලොක් හෝම්ස්


== ==

ඒ මැයි මාසය ලෙස මගේ සටහන් පොතේ සඳහන්ව ඇත.නිරිත දිග මෝසම නිසා ටසිරිලංකාවේම බටහිර හා දකුණු සබරගමු පළාත් වලට ධාරාණිපාත වර්ෂාවක් පතිත විය. නායයාම් අනතුරු නිසා ජීවිතහානි පවා සිදුවිය. 
අයහපත් කාළගුණය නිසාම අපි හොම්ඩන් නගරයේ ටාල්කන් වීදියේ නිවහනට වී කල් ගෙව්වෙමු.
මා මිත්‍ර නමලොක් හෝම්සුත් මමත් උදෑසන ආහාරය ගෙන උණුසුම් රසවත් කෝපි කෝප්පයක රස විඳිමින් සිටියෙමු. හෝම්ස්  දුම්වැටියක් දල්වා ගෙන සුදුපැහැති දුම්ගුලි මුදාහරිමින් සිය දෙනෙත් වයිදින පුවත්පතට යොමු කරගෙන කල්පනාවේ නිමග්නව සිටියේය. මම ද පින්ජුල මාරිස්ගේ ලග්න පලාපල කොටස ගෙන කියවමින් සිටියෙමි.
එක්වරම අපගේ දොරට තට්ටු කරන ශබ්දයක් ඇසුණු අතර හෝම්ස් මහත්තයා හෝම්ස් මහත්තයා කියා කතා කරනවා ඇසුණි. ඒ අපගේ නිවසේ හිමිකාරිය වූ ගීතා කුමාරි මහත්මියයි. 
මා දොර විවෘත කළ විගස ඇය අප කාමරයට පැමිණ හෝම්ස් මහත්මයා මං ඔබට දෙකෝටි පාරක් කතා කරන්න ඇති.. ඇහුනෙ නැද්ද ඔබ දෙදෙනාටම.. ඔබට විදුලි පුවතක් තියනවා කියා කීවාය.. 

Wednesday, June 7, 2017

යටවුණු දෙයියන් හා නලින් ද සිල්වා


පහුගිය ගංවතුර දවසක රත්නපුරේ ගිය විට සමන් දේවාලේ කට පුරෝලා වතුරය.
..මකර තොරණ ගාවින් යන බෝට්ටු පඬුරු දාන්නට නවත්තනවාදැයි බැලුවෙමි..  පුළුවන්නං අරන් යන ගංවතුර ආධාර උනත් දෙයියාට පුදන්න තරන් අපේ මහජනතාව බුද්ධිමත් ය..
 ග්‍රාමසේවක මහතා වතුර බෝතල් හා වියලි ආහාර මල්ලක් රැගෙන එනකන් දේවාලේ වහලට නැග සිටි සමන් දෙයියන් වහන්සේ නිව් ටවුන් පාරෙන් යන "සුමන සමන් දෙවි පිහිටයි.." කියා පිටිපස්සේ ලියා තිබූ කොළඹ බදුල්ල බස් එකක් දැක විලි ලැජ්ජාව දරාගන්නට බැරුව වතුරට පැන්නාද කියා සැකයක් ඇත.. එසේත් නැතිනම් ගංවතුර කාලේ දේවාලෙට පලතුරු වට්ටියක් තියා අඹ ගෙඩියක්වත් නොලැබීම නිසා හාමතේ රෝහල් ගත කළාද කියා ද සැකයක් ඇත.. අපරාදෙ සුජීව ඒ පැත්තෙ හිටියනං කෙහෙල් ගෙඩියක් හරි දෙනවාය.
නලින් මහතාගේ දෙයියා වන නාත ඇතුළු දේව මණ්ඩලේටම ඔය සන්තෑසියම වී අනාත වී තිබුණේය. වකුගඩු ආබාධ , ලෙඩ රෝග ත්‍රස්තවාදී ප්‍රහාර ගැන පොර ටෝක්ස් දුන්නාට දරුඵල විභාග ජය හොරු අල්ලා දීම් කලාට, රට ජාතිය ආගම පර සතුරන්ගෙන් මුදවා ගත්තාට මෑන්ස්ලා ගේ දේවාල බ්‍රාන්චර්ස් වලටද ගංවතුරෙන් බබා හම්බුවී තිබුණි..  මීට කලින් සීනිගමට, දැඩිමුණ්ඩ දේවාලෙට හොරු පැන්නද.. හැම දේවාලෙම cctv සවිකර තිබුණද..
ඔය මොනවා සිද්ද උනද අපේ උන් ඉතින් වතුර බැහැලා ගියාට පස්සේ උන්ගේ වියදමින්ම පිං පිණිස ඔය දේවාල ඔක්කොම පේන්ට් කර දෙනවාමය..

Tuesday, June 6, 2017

චාතූර්‍ය සෙනරත නීලවල්ල ගං දමනය කතාවත්තුව



පෙරැ එක් සමයකැ සරලාභිධාන නරේන්ද්‍ර මෙත්පල් නිරිඳානෝ ටසිරිලක රාජ්‍ය විචාරන කල්හී එක් බක් මහකැ නව වසරැ එළැඹියාහුය.. ජනී ජනයා ඉෂි අම්මාට බබා ලැබුනු කළකැ මෙන් සුවෙන් සැපෙන් වසරමැ හෙළුකොට්ටෙන් සිටියාක් මෙන් පොදිකකා පමුණුවෙන් සළු පිළිද ගනිමින් කැවුම් බදිමින් බිබික්කම් හදමින් අවුරුදු සමරන්නාහ..
එකල රාජ්‍ය අවුරුදු නක්ෂත්‍ර කමිටුව රැස්වූ කල්හී  පෝර්නයෙහි කෙළ පැමිණි ජොනීසින්සානුවන් මෙන් ජෝතිසසාස්ත්‍රයේ කෙළ පැමිණි මහා නැකැත් කරුවෝද කාරියෝදැ යුහුසුළුවැ නැකැත් හදන්නාහ. හිරු උදාවන කල බලන්නාහ. තාරකා පිහිටුම් විමසන්නාහ.. මෙසේ විමසනා කල්හී ටසිරිලක සමෘද්ධිය දැක අල්ලපු ගෙදර කතගේ රුව දැක ඊර්ෂ්‍යාවෙන් පැලෙන සීසීටීවී ඇන්ටියෙකු මෙන් බටහිර කුමණ්ත්‍රණ කරුවෝ නැකැත්කරුවෝ විසූ කුටියටැ මහා බලගතු කඩියෙකු එවන්නාහ.. මේ කඩි තෙමේ ප්‍රධාන නැකැත්තාගේ පශ්චාත්භාගය දශ්ඨ කළ කල්හී හෙතෙමේ විදුලිසැර වැදුනාක් මෙන් තට්ටම අතගා නැගීසිට හොත්තේයැ.. මේ සැනම තාරකා විමසා සිටි ගණිත මිණිත සමීකරණ උඩුයටිකුරුවැ අපරභාගය පූර්වභාගයමැ විය..
ඉදින් මත්වන බව නොමදැන කසිප්පු බිව් කලෙකැ මෙන් වැරදි නැකැතින් ටසිරිලක

Monday, June 5, 2017

ප්ලාස්ටික් හාල්



පහුගිය දවස් ටිකේ ගංවතුරේ බැහැගෙන සිටීම නිසා හාල් කේස් එක මට මිස් වූ බව දැනගෙන පස්චාත්තාපයට පත් වීමි.  මිස් වුවද මිසිස් වුවද හාල් ප්ලාස්ටික් කර එවූ කතාව අසා විප්‍රලම්භ සුංන්ගාරයට පත්වී තාම කල්පනා කරමි.
කතා ගොඩක් ඇති හාල් වලට ප්ලාස්ටික් හාල් ද එක්වූ නිසා වයසට ගියාම පොඩි උන්ට කියන්නට තව කතාවක් වැඩිවිය.
ප්ලාස්ටික් ද නැද්ද කියා දන්නැති උනාට සමහර කඩවල් වල බත් කන විට ඒවාට වඩා ඉඳගෙන ඉන්න පුටුව කඩාගෙන කෑවානං යකඩවත් හම්බෙනවනේ අපෙ හාන්දුරුවනේ කියා හිතෙන්නේ අමු වී ඇති විටය.. අමාරුවෙන් හපා වේටර් කොලුවාට කියා නටන උණු වතුර එකක් බී දෙවරක් උඩපැන හෝටලෙන් එලියට එන්නේ බඩේදි හෝ බත් එක තැම්බෙයි කියා හිතාගෙනය..
ඒ කාලේ පෙරදිග ලෝකෙ ධාන්‍යාගාරේ කියා කිව්වට සුද්දා ගිය දවසේ සිට පාලනේ කල හාල්පාරුවන්ට පින්සිද්ද වෙන්නට දැන්නං මෙහෙ උන්ට කන්නටද තියෙන්නේ ක්‍රෝටන් ය.
ලංකාවේ හදන හාල් නං සිංහල හාල් ය. හාල් වලටත් ජාති තියන බව මං දැනගත්තේ ඔය කතාවෙනි. දෙමළ හාල්  ඇද්ද කියා හොයා බැලිය යුතුය. අග කැඩී ගිය හාල් නං මුස්ලිම් බව මට පැවසුවේ මහසෝන් බලකායේ සාමාජිකයෙකි.

Tuesday, May 23, 2017

කැබිනට් සංසෝදනේ තව කතාවක්



ඊයේ රෑ දැමූ චමලේ පොඩිකාලේ කතාවෙන් සිරිසේන මහතාගේ කැබිනට් සංසෝදනේ අපේ තුන වසරේ ටීචර් මාව කණ්ඩායමෙන් මාරු කළා වගේ වැඩක් කියා කෝචොක් කළද මේකේ තවත් පැත්තක් වන්නේ රවී කරුණානායකගේ ඇමති පුටු මාරුවයි.

ඔය ඉරිසියාකාරයෝ කොච්චර කතා කිව්වත් සිරිසේන ජනාධිපතිතුමා අපෘස්ටවංසියෙක් කියා.. ඊයේ එසේ නොවන බව නැවත ඔප්පු කළේය. එතුමා ආසියාවේ හොඳම මුදල් ඇමති වූ රවී කරුණානායකගේ ඇමති පට්ටම කිසි ගාණක් නැතුව මාරු කලේය. දැන් ඒක තෝරපු එවුන් ipl ෆයිනල් එකට මොකො උනේ කියා නාහෙන් අඬන පූනේ උන් මෙන් කල්පනා කරනවා ඇත. ඉතින් ජාත්‍යන්තරේ අදාලම නැති අපේ අතිගරු ජනාධිපතිතුමාට අනිත් උන්ව අදාලද.... නෑ..

Monday, May 22, 2017

චමලේ බබා කාලේ කතාවක්

==  ==
( කැබිනට් සංසෝදන කතාවක් නොවේ )

අනී පොඩි කාලෙට පියනගන්න ආසයි.. යාලුවෝ එක්ක වෙල් ඉපනැල්ලේ අල්ලන සෙල්ලන් කරන්න ඕනෙ අපෙ හාන්දුරුවනේ. පොත් බෑග්ගෙක එල්ලගෙන ආයෙ ඉස්කෝලෙ යන්න ඕනෙ.. සමනල රෑනක් සේ ඉගිලී අකුරට ගිය පාසල් කාලේ ඒකයි මේකයි කියා එක එකා කිව්වට මට එහෙම මෙව්වා එකක් නැත.. මොකද මට තටු නැති නිසා මම ඉස්කෝලෙ ගියේ බස්සෙකේ.. කෝච්චියෙ.. වෑන් එකේ. ඉස්කූල් බස්සෙකේය. ඒක නිසා ඉගිල්ලිලා ඉස්කෝලෙ ගිය උන්ට ආතල් උනාට මට එහෙම එකක් නැත.
  පොඩි කාලේ කිලෝ පහළවක් විතර බර බෑග්ගෙක පිටේ දාගෙන උදේ පාන්දර ඇහැරගෙන කබ කඩ කඩ ඉස්කෝලෙ යන්න කිසි ආසාවක් නැත. ඉස්කෝලෙ හැමදාම තියෙන්නේ දහයට ඇහැරිලා පරණ කොටකලිසමක් හොයාගෙන යාලුවො එක්ක සෙට් වෙලා සෙල්පි ගහන්න බැක්ටු ඉස්කූල් වගේ නං කමක් නැත.
 බෑග්ගෙක බර නිසා මම පොඩි කාලේ ඉස්කෝලෙට අච්චු පොත් ගෙනිච්චේ නැත. කොච්චර බරද කියනවානං මං මුලින් හිතුවේ ඉස්කෝලෙ ගිහින් ඉවර වෙද්දී කොන්ද නැවිලා නැවිලා නැවිලා නැවිලා අන්තිමේදි මූණ සපත්තුවේ ගෑවෙයි කියාය.

Saturday, May 13, 2017

මහින්දෝත්තම භාරත යක්ෂ දමනය කතාවත්තුව


==  ==

පෙරැ එක් සමයකැ ටසිරිලක සරලාභිධාන නරේන්ද්‍ර මෙත්පල් නිරිදානෝ අට සිල් ගන්නා ලද ගුණවතී ආච්චි මෙන් දැහැමෙන් සෙමෙන් සරලව රට පාලනය කරන්නාහ. පූර්වයේ දැමූ බල්බ නොනිවෙනා ලෙස කරන්ට් බිල ගෙවනා ගෘහපතියකු සේ පෙර මහින්දෝත්තම අධිරජාණෝ කරව ගියාවූ ශ්‍රී විභූතිය ඒ අයුරින්ම නංවාලමින් කෑම පිරවූ දොරදෙකේ ශීතකරණයක් මෙන්  බතින් බුලතින් ස්වයංපෝෂිත කරමින් පාලන කටයුතු මෙහෙයවනු ලද්දාහ..

 රටවැසි කතුන්ගේ කර මත දෑත කන් පෙති මත හෙට්ටිවීදියට බෝම්බ ගැසුවාක් මෙන් රනින් මැණිකෙන් පිරී ගියාහ. තරුණියෝ ආයි දාලා කරාඹූ කියමින් දෙකන් පුරා තෝඩු අරුංගල් ලෑවාහ.. මිලාධික පෑඩඩ් බ්‍රා ඇන්දාහ.. සකල සතම බොදු බැතියෙන් පන්සල් ගියාහ. ජනතාවෝ කෙතරම් යහතින් විසුවේද යත් මාලිංගයාණන් විකට් ගන්නා සේ ටසිරිලක පුරා මහ රහතුන් පහළ විය.. තව්තිසා දිව්‍ය ලෝකයද, ඇස්ගාඩය ක්‍රිප්ටෝනියාවාදී පිටසක්වල දීපද ටසිරිලක සමෘද්ධිය දැක ඇමැතියන්ට ප්‍රාඩෝ ජගුවරාදී මහා රථද ,  තරුණයෝ සඳහා දසලක්ෂයක් වෘත්තීන් පිටසක්වලින් ලබා දුන්නාහ.

මෙසේ ඉන්දිය සයුරේ බබලන සීඇෆ්එල් එකක් මෙන් ටසිරිලක බබලද්දී අල්ලපු ගෙදර දියුණුව දැක ඇහේ කටු ඇණෙනා සීසීටීවී ඇන්ටියෙකු මෙන් අසල මහාභාරතය ටසිරිලක මේ සමෘද්ධිය දැක ඊර්ෂ්‍යා වන්නට වන්නාහ..
මහාභාරතයෝ පෙර රාවණ සමයෙහි සිටම කුහකයෝමැය. ටසිරිලක සමෘද්ධියට අකුල් හෙලන්නේමයැ. ඉදින් අපට ශරීර කෘත්‍ය කිරීමෙහිලා වැසිකිලියක් පවා නොමැත්තේය.. ටසිරිලක වාසීහු රැකියාවට අභ්‍යාවකාශයට පවා යෙති. ඉදින් අප මොවුන්ගේ වස්තුව කොල්ලකෑවේනම් අපටද දියුණු විය හැක්කේයැයි පෙම්වතියගේ නිවසට කොටු පැනීමට සැරසෙන්නාවූ පෙම්වතකු සේ භාරත නායක තෙමේ සිය ඇමැතියන් හා කතිකා කර ගත්තේයැ.

අප පන්තියේ එකෙකුට ගැසූ අල්ලපු පන්තියේ එකෙකුගේ කර්ණ පටහ පටලය බිඳීමට බහිනා ගැන්සියක් සේ භාරත නායක නරේන්ද්‍ර සිං දෝණි රකුස් තෙමේ සිය සේනාවෝද සමගින්මැ ටසිරිලක බලා පිටත් වූවාහ..
ඉදින් මෙය කන වැකි මෙත්පලානෝ මෙසේ සිතන්නාහ.. භාරතය සමෘද්ධිමත් නොවුවද එහි සේනාවෝ සුවිසල් වූවෝමය...   අවුරුදු දා පමුණුව මෙන්
 ටසිරිලක වැසියන්ටත් වඩා සේනාවෝය. ඉදින් උන් පැමිණියෝනම් එක් දිනයක වුවද ටසිරිලක නතු කරගත හැක්කාහ.. මා කුමක් කරම්දැයි හිටන් කියා හෙතෙම සිය සරල මන්දිර පිලේ පැදුරේ සිටගෙන ගංවතුරට අසුවී කූඩාරමක් ගසා පැමිණි තැනට කුණුකන්ද කඩන් වැටුණ අයෙකු මෙන් තෙමේගෙන්ම විමසන්නාහ..

කලාකාරයො ලොකුද




අනී මම අවුරුදු හත්සිය දාහතරක් සින්දු කිව්වා මට තාම ගෙයක් නෑ
මං චිත්‍රපටි එක්කෝටි දාහතරලක්ස තිස් හතරදාස් පන්සීය දෙකක රඟපෑවා දැන් මට සලකන්න කවුරුත් නෑ.
අහවල් නාට්ටිය කළා.. අහවල් සින්දුව ලිව්වා.. මේ රටේ කලාකාරයන්ට සලකන්නෙ නෑ.. අනී මට ඉන්න ගෙයක් නෑ..රටට කොච්චර රඟපෑවත් අපි කුලියට ඉන්නෙ.. ගමටම ණයයි ලොකු අම්මේ..

ලංකාවෙ කලාකාරයන්ගේ මේ ආකාරයේ නොයෙක් හීල්ලීම් හොටු පෙරීම් දැක මේක ලියන්න හිතුනෙ.

අසරණ මනුස්සයෙක් ඉන්නවනං ගෙයක් හදල දෙන එක., බෙහෙත් ටිකක් අරන් දෙන කිසිම වැරැද්දක් නැත. රජයට බැරිනං අපි හරි කරලා දෙනවාය.
ඒක නිසා අසරණ මනුස්සයෙක්ට පිහිට වීමයි අපි අහවල් කාලයක් කලාව කලා ඒක හින්දා උදව් කරපන් කීමයි පටලවා ගැනීමෙන් වළකින්න.

Friday, May 12, 2017

වෙසක්

==  ==

සින්දුවක් කියාගෙන ගෑල්ලමයෙක් දිහා බලාගෙන හෝ කොල්ලෙක් නම්බරයක් දෙනකන් බලාගෙන රාත්‍රී කාලයේ යාලුවො හෝ පවුලේ අය සමග වෙසක් බැලීමේ  වින්දනයක් තරුණ උන්ට ලැබිය හැකි මුත් වැඩිහිටි පාර්සවයට එහි ප්‍රතිඵල ලැබෙන්නේ වෙසක් කලාප දිගේ හෝ දන්සල් පෝලිම් වල හිටගෙන සිට පහුවෙදා කකුල් අමාරු කොන්දෙ අමාරු හැදුන විටය. කොට්ටාවේ බත් දන්සලේ පෝලිම හැකරැල්ලෙක් ඇකිලුනා සේ දිගය. බත් එකක් කෑමට හයිබ්‍රිඩ් වලින් මොන්ටේරෝ වලින් පවා පැමිණි උවැසි උවැසියෝ ද අක්කලාද නංගිලාද හිටන් සිටිනු දැක අම්මප මගේ හද පතුලෙන් ගලන ශෝකේ කැළණි ගඟෙන් මහ මුහුදට ගලනවා වාගේය.. ඒ පෝලිමේ දන්සලට යාමට කලින් ඇතිවෙන බඩගිනි නිවීම සඳහා මැද්දෙන් තව බත් දන්සලක් ලබන අවුරුද්දෙ සම්මාදන් එකතු කර ඇරඹීමට හිතා ගත්තෙමි.. එතකොට ඒ පෝලීමේ සිටිද්දී බඩගිනි වූ විට අපේ දන්සලෙන් බත් කා බඩගිනි නිවා අර දන්සලට යාමට හැක..
අයිස්ක්‍රීම් දන්සල් වල පෝලිම් ද එසේමය. අම්මප දන්සල් වල ඉන්න වෙසක් බලන උන් තරමට ජනාධිපතිතුමාවත් හිටං සිටින්නේ නැතුව ඇතිය.
මෙතන පොරටෝක් දුන්නාට පහුගිය දවස් දෙකේ මා ද දන්සල් දහපහළවකට වග කිව්වෙමි.
හැබැයි එක දන්සලක පැය ගණන් හිටං හිටියේ නං නැත. ඒ ඉතින් දාර්සනික මෙව්වා එකක් නිසා හෝ.. මාගේ තත්වයට නොගැලපෙන විලි ලැජ්ජාවකින් මා එතී කෑලි කැඩී බිඳී රෙදි ගැලවී නිල් දිය රැල්ලේ ගසාගෙන යන මංගල්ලයක් නිසා නොව., එක දන්සලක පැය ගාණක් හිටගෙන සිටිනා විට අනිත් දන්සල් ඉවර වෙන නිසාය..

Tuesday, May 9, 2017

ප්‍රංශ කිරුළ මැක්‍රොන්ට



ලෝකය හරහා හමාගිය අන්ත දක්ෂිනාංශික ජාතිකවාදී රැල්ල නැවතවරක් යුරෝපයේදී දණගස්වමින් ගෝලීයවාදීන් හා ජාතිකවාදීන් අතර ඇතිවූ ත්‍රගයක් ලෙස හැඳින්වූ ප්‍රංශ ජනාධිපතිවරණය මධ්‍යස්ථමතදාරී අපේක්ෂක එම්මානුවෙල් මැක්‍රොන්ට විශිෂ්ඨ ජයක් අත්කර දෙමින් අවසන් වුණා.. නැපෝලියන් අධිරාජ්‍යයාගේ බෑණා වූ ලුවිස් නැපෝලියන් බොනපාට්ගෙන් පසු ප්‍රංශයේ ජනපති ධූරයට පත් ලාබාලතම ජනාධිපතිවරයා වන මැක්‍රොන් තවමත් සිටින්නේ 39 වන වියෙහිය.
1958 න් බිහිවුණ නව ප්‍රංශ දේශපාලන ගමන තුළ ප්‍රධාන ධාරාවේ දේශපාලන පක්ෂ දෙකෙන් එකක නොවන අපේක්ෂකයෙකු ප්‍රංශයේ ජනාධිපති ධූරයට පත්වන පළමු අවස්ථාව ලෙසද මෙය ඉතිහාසගතවනු ඇත.

ප්‍රතිවාදී අපේක්ෂිකාව වූ ජාතික පෙරමුණෙහි මරින් ලා-පෙන් අභිබවමින් 66.06% ක විශිෂ්ඨ ප්‍රතිඵලයක් මැක්‍රොන් හිමිකරගනිද්දී මරින් ල-පෙන් ට හිමිකර ගත හැකි වූයේ 33.9% ක ඡන්ද ප්‍රතිශතයක් පමණි.
ඒ අනුව ට්‍රම්ප් වාදී  ප්‍රතිපත්ති අනුගමනය කරමින් යුරෝපා සංගමය සමග සබඳතා වල ප්‍රතිසංස්කරණ සිදු කිරීම, සරණාගතයන් පිටුවහල් කිරීම වැනි අන්ත දක්ෂිණාංශික ජාතිකවාදී ප්‍රතිපත්ති පරදා ගෝලීය දේශපාලන ප්‍රතිපත්තීන්ට ප්‍රංශ ජනතාව තුළ ඇති නැඹුරුව මැක්‍රෝන්ගේ ජයග්‍රහණය තුලින් වඩාත් ඉස්මතු වී පෙනෙයි.
ජයග්‍රහණයෙන් පසු ජනතාව අමතමින් මැක්‍රෝන් වැඩිදුරටත් ප්‍රකාශ කළේ ''මේ ජයග්‍රහණය ප්‍රංශ ඉතිහාසයේ නව පරිච්ඡේදයක් අරඹන බවයි..''

මේ සටහන ඔහු පිළිබඳවය..

පෞද්ගලික තොරතුරු

Sunday, May 7, 2017

මහා රථාභිවාතක ව්‍යාධි කතාවත්තුව




== මහා රථාභිවාතක ව්‍යාධි කතාවත්තුව==


පෙර ටසිරිලක සරලාභිධාන නරේන්ද්‍ර මෙත්පල් නිරිඳානෝ රාජ්‍ය විචාරන කල්හී සිදුවන්නට යෙදුනා වූ මහා රථාභිවාතක ව්‍යාධි කතාවත්තුව මෙසේ අරඹන්නාහ..

පෙර ටසිරිලක සරලාභිධාන නරේන්ද්‍ර මෙත්පල් නිරිඳානෝ තම රාජ්‍ය සරලව සාමෙන් විචාරන්නාහ.. පෙර මහින්දෝත්තම අධිරජාණෝ රාජ්‍ය විචෑරූ සමයෙහි මෙන්මැ මහජනතාවෝ මවට හොරෙන් බැටර් කටගෑ දරුවෙකු මෙන් බෝ සංතෘෂ්ඨියෙන් මේ ආදරයයි බලා දිවි ගෙව්වාහ.. රවිචන්ද්‍ර කාරුණික මහාමාත්‍යයාගේ පූර්ණානු දැනුමින් සකල කහවණු බදු වලින් නිදහස්ව සිටි ජනතාවෝ වංක බිරියගෙන් ඩිවෝස් වූ ස්වාමිපුරුෂයෙකු මෙන් ණය බරද බදු බරද රහිතව කල් ගත කළාහ.. ඇතැම් පුරවැසියෝ අමාත්‍යාංශ ඉදිරිපිටට පැමිණ අපෙන් බදු ගන්නැයි කියා බලහත්කාරයෙන් කහවනු මළු විසිකර ගියාහ..
තුන් වේලටම ෆ්‍රයිඩ් රයිස් කමින් උස ජනයා සිකුරුටිද මිටි ජනයා කම්මකාර ද සුදු ජනයා හුණු කර්මාන්තයේද කළු ජනයා නොරොච්චෝලේද සේවා කරමින් සුඛිත මුදිතව සේවය කළාහුය..

මෙසේ මෙත්පල් නිරිඳුන්ගේ සමයෙහි මහජනතාවෝ මරාගෙන මැරෙම බෝම්බයක් පුපුරවා ස්වර්ගස්ථව කන්‍යාවන් දෙසැත්තෑවක් සමගමැ සුව විඳින තලේබානුවෙකු මෙන් සුවෙන් සැපෙන් විසීමටැ හේතුව වි නම් මෙත්පල් සිරිසන් නිරිඳානන්ගේ අමාත්‍ය මණ්ඩලයේ ඇමතියන්ගේ දාහය මහන්සියේ ප්‍රතිඵලයෝමය..

Saturday, May 6, 2017

මීතොටමුල්ල අමතකද..?? කඳුළු තවමත් එසේමය....!!!!








සුජිත් ප්‍රියන්ත ත් මමත් අද කොලොන්නාව වි ගබඩාවට ගියෙමු...

මීතොටමුල්ල ඛේදවාචකයෙන් අවතැන්  වූ මිනිසුන් රැඳී සිටින එහි පොඩ්ඩන්ට සිදුවූ සියල්ල අමතකය.. ඔවුන්ගේ ලෝකවල සෙල්ලම්කරමින් සැරිසරති..

සෙල්ලම් කරමින් සිටි පොඩ්ඩන් හා කතාවට වැටුණෙමි.

පුතේ මේ මොකක්ද හදලා තියෙන්නෙ...??

( පින්තූරයේ පෙනෙනා ලෙස කාඩ්බෝඩ් වලින් මනාව දෙමහල්ව සාදා ටකරමකින් වහල සෙවිල්ලා තිබූ අඩි දෙකක් පමණ උස අතිශය නිර්මාණාත්මක වූ සෙල්ලම් ගෙයක් පෙන්වා එතැන සිටි පොඩිත්තියකගෙන් ඇසුවෙමි )

අංකල් මේක අපේ ගේ.. මේක ෆලාඩ්ගෙ ගේ..

( පොඩ්ඩා දෙමළ හුරුවෙන් ගැටගසමින් සිංහල උච්චාරණය කරමින් එක් ගෙයක් පෙන්වා තව පොඩ්ඩෙක්ව ඇඟිල්ල දිගු කර පෙන්වයි )

මේක මෙයාලගෙ අම්මලගේ.. මේක මෙයාලගෙ අම්මලගෙ ගේ..

( තව පොඩිත්තියකට හා පොඩ්ඩෙක්ට දෙසට ඇඟිල්ල දිගු කර අනිත් සෙල්ලම් ගෙදර උඩ තට්ටුව හා පහල තට්ටුව  පෙන්වයි )

නෑ නෑ මේක අපේ ආච්චිලගෙ ගේ.. මේක මෙයාලගේ..