Tuesday, January 31, 2017

විජිත රෝහණ රාවණා




දන්න අඳුරන මෑන්ස් කෙනෙක් හිටියා.. කොල්ලා තද සිංහල.. රට ජාතිය ආගම වෙනුවෙන් දිවි පුදන්න බලන් ඉන්න වීරවංශ වගේ එල කොල්ලෙක්.. මිනිහා හිතන් හිටියෙ ලෝකෙ තියෙන්නෙ ලංකාව ඇතුලෙ කියලා.
මෑන්ස් ලංකාවෙ ඉතිහාසෙ ගැන එහෙම හොඳට දන්නව. ආයෙ ඉතින් ඇහැවොත් ජැකා වගේ රාජාවලියම එක හුස්මට කියන් එයි විජයගෙ ඉඳන් මහින්ද රාජපක්ස වෙනකන්.
සෙට් වුන වෙලාවට කතා කරන්නෙ රාවණා ගැන.. හම්මෝ කොල්ලා දන්න දේවල්. කවුද පෙප්සිද මිරැන්ඩද කියලා මහාචාර්ය තුමෙක්ගෙ පුස්කොළ පොතක තිබ්බා කියලා මූ කියන කතා ඇහුවනං අම්මප ස්පිල්බර්ග් රාවණාගෙ ෆිල්ම් එකක් ගහනව. දවසක් උතුරු කොරියාවෙ ඉන්න සුදු බූතයා නියුක්ලියර් මෙව්වා එකක් අත්හදා බලපු නිව්ස් එකකට මූ කියපි අඩෝ උඹ දන්නවද රාවණා රජතුමා තමයි මුලින්ම රාමට ගහන්න නියුක්ලියර් වෙපන්ස් හැදුවෙ කියලා.. ඒ කතාව අහලා හිනාවෙන්න හොඳ නැති හින්දා මං ඉතින් ඇහුවා යුරේනියම් එහෙම කොහෙන්ද බං හොයාගත්තෙ කියල.
සිංහරාජෙ ඇතුලෙ තියෙන්නැතිලු. අර පුස්කොළ පොතේ තියනවලු හදන විදිහ. ඒව එලියට දෙන්න බෑලු. මං ඉතින් හා කියලා හිටියා..
පාරෙ බයික් එකක් ගියත් කාර් එකක් ගියත්, අහසෙ ප්ලේන් එකක් ගියත් ඒ පසුපස සැඟවී ඇති රාවණා ටෙක්නොලොජිය ගැන විදග්ධ දේශනයක් අහන්න මට සිද්ධවුණා ඉතින්.
රාවණා ලෝකෙම අල්ලගෙනලු හිටියෙ ඒ කාලෙ. අත්ලාන්තික් කියන්නෙ ඇත් + ලංකාව කියන එකලු..‍රාවණාගෙ ඇත් ගාලක් තිබ්බලු එහෙ.

Saturday, January 28, 2017

එදා රෑ ගුවන් තොටුපලේදී මා...



===ගීතයක අරුත දැනගමු " ගීතයටාරුතක්"===

වෙබ් අඩවි කිහිපයකම ගීත වලට අරිසෙන් අහුබුදු පරදන අර්ත විවරණ දී තිබූ නිසා අද අකලංකාරයෙහි ගෙනෙන විශේෂාංගය වන්නේ "ගීතයටාරුතක්" වැඩසටහනයි..

ඒ සඳහා අද මා තෝරා ගන්නේ මිල්ටන් මල්ලවආරච්චි මහතාගේ " එදා රෑ ගුවන් තොටුපලේදී මා " ගීතයයි..

ඔව් මේ ගීතය ගැන කියනවනම් මෙය තුල පිටින් පෙනෙනවාට වඩා බඹ ගණනක ඉතාමත් ගැඹුරු අර්ථයක් ගර්භාෂ ගත වී තිබෙනවා..

හොඳයි අපි එය විමසමු...

'"
එදා රෑ ගුවන් තොටුපොළේ දී මා
වෙන් වී ගියේ සිතකින් නොවේ...//

නෑ සිය මිතුරන් පැමිණීලා
ආසිරි සුභ පැතුම් පැතුවා
ඔබ නාවෙ ඇයි මිහිරියේ....

එදා රෑ...

ඒ වන තුරු ‍රහසක් වීලා
මා සිතේ යම් දෙයක් තිබුණා
එය කීමටයි ලතවුණේ....

එදා රෑ....
                      ""

මේ ගීතය ලියැවෙන්නේ තරුණයන් රට රැකියා වලට යාමට පටන් ගත් මුල් අවධිය තුලයි.. මේ ගීතයේ කියැවෙන තරුණයාද කොරියාවේ රට රැකියාවකට යාමට පෙරුම් පුරා සිටි අයෙක්..

 ඔහුට පෙම්වතියක් සිටි අතර සිටි  ඇගේ නිවසින් ඔහුට බලපෑම් කෙරුණේ රැකියාවක් නොමැති නිසා වහාම විවාහයට පෙර රැකියාවක් සොයා ගන්නා ලෙසයි.. නැතහොත් දුව කැන්දාගෙන යාමට ඉඩ නොදෙන බවයි..
මෙයින් බොහෝ සිත් තැවුලට පත් වී සිටි ඔහු රැකියාවක් සොයා වෙහෙසුනා..

Wednesday, January 25, 2017

වැස්ස

අද වැස්සම ඕලෙවල් කාලෙ හරිම ආසාවෙන් කරපු තාමත් කටපාඩම් "වැස්ස" කවි ටික මතක් උනා..
ඉතින් කුඩලිගම මහත්තයා අද පොඩි වැස්සකට යටවෙන කොටුව වගේ ටවුමක හිටියනං මේ කවි ටික මෙහෙම ලියවෙයි කියලා හිතුනා...

වාහන තදබදය හා තරඟයක............යෙදී
රියදුරු බසය පාරේ සීරුවට...................පදී
මහමග දිගේ එන දිය රළ බසයෙ.........වැදී
පදික වේදිකාවල බැමි මතට.................වදී

පදමට වෙරළු මිනි කැට සුණු විසුළ...........හැඩ
ජෝතිය ලැගුම් ගත් මග වේදිකා..................උඩ
නැහැපුඩු අකුලගෙන ගැහැණුන් මුළුව.....හැඩ
අඩිය තබති හෙමිහිට මඩ පොළොව...........උඩ

දිය වැල් ගලා බස්වන්නට කාණු..........කඩා
බලධාරීන් නොගනිති මදපමණ...........විඩා
ගන වැහි වළා ඉගිළි එන විට දී...........හඬා
කිසි වෙනසකුත් නැත ගංවතුරකට......වඩා

Tuesday, January 24, 2017

යුගයක් වෙනස් කළ අසහාය පරිගණක විද්‍යාඥයාගේ කතාව


====

The imitation game නමින් හොලිවුඩ් සිනමා පටයක් තිරගත වෙනවා 2014 දි.. එහි කතා තේමාව වන්නේ දෙවනි ලෝක යුධ සමයේ දී මහා බ්‍රිතාන්‍යයේ සිදුකළ රහසිගත යුධ මෙහෙයුමක් ගැන..
මේ කතාව ගොඩනැගෙන්නේ ඇලන් ටියුරින් නම් ගණිතඥයා වටා..
අවසානයේදී ඇලන් ගේ විශිෂ්ට දැනුම භාවිත කර නිපදවූ යන්ත්‍රයකින් ජර්මන් සන්නිවේදන පද්ධතිය බිඳ හෙළන්නට මිත්‍ර පාක්ෂික හමුදාවන්ට හැකියාව ලැබෙනවා..

විද්‍යාඥයන් මත පළ කරන ආකාරයට මෙතුමාගේ නිර්මාණය නිසා දෙවැනි ලෝක  යුද්ධය වසර දෙකකට පෙර අවසන් වී ඇති අතර මිලියන 14 ක් මිනිස් ජීවිත ඒ නිසා මරණයෙන් ගැලවී තිබෙනවා..

ඇලන් ටියුරින් උපත ලබන්නේ 1912 දි ලන්ඩන් නුවරදී.. කුඩා කාලයේ සිටම ගණිතයට හා විද්‍යාවට අති දක්ෂයෙක් වූ ඔහු උසස් අධ්‍යාපනය සඳහා 1931 දී කේම්බ්‍රිජ් විශ්වවිද්‍යාලයට ඇතුලත් වෙනවා.  එහිදී ගණිතය පිළිබඳ ප්‍රථම පෙළ ගෞරව උපාධියක් දිනා ගැනීමට සමත් වෙනවා..

මේ අතරතුරේදී දෙවන ලෝක යුද්ධය ඇරඹෙනවා.. හිට්ලර්ගේ නාසි හමුදා යුරෝපය ආක්‍රමණය කරමින් දැඩි ප්‍රහා‍ර මාලාවක් දියත් කරනවා. ගුවන් ප්‍රහාර වලින් ලන්ඩන් නගරය සුන්බුන් බවට පත් වෙද්දී යුරෝපානු අගනුවර 14ක් ස්වස්ථික කොඩිය යටතට පත්වෙනවා..
මහා බ්‍රිතාන්‍ය ඇතුළු මිත්‍ර හමුදාවලට දිගින් දිගටම නොනවතින ප්‍රහාර මාළාවකට මුහුණ දීමට සිදුවෙනවා.. නාවික හමුදාවන් වික්ෂිප්ත කරමින් නාසි හමුදා කුඩා සබ්මැරීන ( යූ බෝට්ස් )මගින් ප්‍රහාර එල්ල කර දැඩි හානි සිදු කරන්නට සමත් වෙනවා..

Monday, January 23, 2017

තනිවී සිටින්නයි මා අදහස් කළේ ගීතයේ අරුත


== ==
.
.
ඔව් අද දින අකලංකාරයෙහි ගීතයටාරුතක් විශේෂාංගයෙන් අප කතා කරන්නේ මිල්ටන් මල්ලවආරච්චි මහතාගේ තනිවී සිටින්නයි මා අදහස් කළේ ගීතය පිළිබඳවයි..

"
තනිවී සිටින්නයි මා අදහස් කළේ
ඔබමයි සොයා ඇවිදින් එය වෙනස් කළේ
පහදා කියූවත් නෑ සවන් යොමු කළේ
වේදනා පිරී ලොවක් ඔබයි බිහි කළේ

මගෙ පාළු ලෝකයේ තනිවූයෙ මා
සක්විති රජුන් හමුවේ නැත හිස නමා
සිතිවිලි මගේ හසුරා ගත හැක නමා
මට දුක හිතෙන්නේ ඔබ ගැන තමා.....

ඔබෙ චේතනා අගනා මා සිත දනී
අවට ලෝකයේ බැලුම් විසකටු වැනී
ඒ කටු අපේ දෙහදේ ගැඹුරේ ඇනී
ගලන දුක් වේදනා රුධිරය වැනී...

"

මේ ගීතය විශේෂ වන්නේ බොහෝ ගීත පෙම්වතියන් පෙම්වතුන් අරභයා ලියූවත් මෙය ලියැවී ඇත්තේ විවාහක යුවලක් පිළිබඳව වීමයි..
මෙහි සත්‍ය කතාවෙහි එන යුවල ප්‍රේම සබඳතාවයකින් විවාහ වූවන් දෙදෙනෙකි.  ඔවුන් දෙදෙනාට පෙර පාසල් යන වයසේ දරුවෙක්ද සිටියා..
නමුත් බිරිඳගේ වරදක් නිසා ඔවුන් දෙදෙනා අතර ඇතිවන මත ගැටීමක් දුර දිග යාමෙන් විරසකයක් හටගන්නවා..

Friday, January 20, 2017

විශ්වවිද්‍යාල නවකවද මානසික රෝගය

== විශ්වවිද්‍යාල නවකවද මානසික රෝගය ==


 මන්ද මානසික, පරපීඩා කාමුකත්වයෙන් පෙළෙන  විශ්වවිද්‍යාල ශිෂ්‍යයන් යැයි කියා ගන්නා තිරිසනුන් පිරිසක් විසින් ඔවුන් කියනා පරිදි අලුතින් පැමිණි තම සහෝදර ශිෂ්‍යයන්ගේ පෞරුෂ වර්ධනය කිරීමට ගත් තිරිසන් ත්‍රස්තවාදී උත්සාහයකට එක් උදාහරණයක් පහත දැක්වේ..
මේ සියළු සිදුවීම් සත්‍ය හා නිවැරදි ඒවා වන අතර එය පැවසූ අයගේ ජීවිතය ඉදිරියේදී විනාශ නොවීමේ අරමුණින්  මෙහි යම් තොරතුරු ප්‍රසිද්ධ කර නැත..

ඔහු හමු වූ අවස්ථාවේ කී ලෙසම එය ඔහුගේ වචනයෙන් මෙසේ සටහන් කරමි..

"
මේකයි මචන් සිද්ධිය

මට සෙට් උනේ  ############ කැම්පස් එක... හැබැයි faculty එක මොකක්ද කියලවත් දාන්න එපා. මොකද එහෙම උනොත් ඉන්න අපේ අනිත් උන්ට මාර වදයක් දෙයි.

මම ########## ෆැකල්ටි එකට ගියා. පටන්ගත්ත දවසෙම හවස අපිව hostel වලට අරන් යන්න බාර දුන්නේ senior උන්ට. හරියට නරියට කුකුල්ලු බාර දුන්නා වගේ. අපිව හොස්ටල් වලට දැම්මා විතරයි කුනුහරපෙන් කෑගහගෙන් මුන් ආයේ ආවා. කොන්ඩේ වැඩි උන්ට ගහගෙන ගියා.

දෙමල කොල්ලෙක් හිටියා. උගෙන් අහනවා ඇයි හුත්තෝ තොට සිංහල බැයිද කියලා.
ඌට වචනයක්වත් බෑ.

 ඌ ඔලුව හෙල්ලුවාම බෑ කියලා

"තෝ හෙට වෙද්දී සිංහල ඉගෙනගෙන ඉන්න ඔනේ නැත්නම් තෝ ආපු දිහාටම පලයන් ""කියලා අමු කුණුහර්පෙන් බැන්නා. බැනලා කනට ගැහුවා..
මේ අනාගතේ ####### උන් වෙන්න ඉන්න උන් කියද්දිත් අවුල් බං...
ලැජ්ජයි බන් ඒවා හිතද්දිත්. ඇතුලේ ඉන්න හැම එකාමත් හොදට උදව් කරනවා රැග් එකට.
මොකද ඒ ඔක්කොම කරන වෙලේ non academic warden හිනා වෙවී එතන. තර්ජනය කරන එක තමයි කරන්නෙම. නැති ගෞරවයක් හදාගන්න නොකරන දෙයක් නෑ උන්. හවස් වෙනකොට අපිට කිව්වා කෑම අරන් එන්න canteen එකට යන්න කියලා. එක තට්ටුවකින් 10ක් විතරයි යන්නේ කියලා කිව්වා. කොහොමහරි අපිත් සල්ලි දුන්නා කෑම ගේන්න කියලා.