අපිට ඕනෙ රොබින්හුඩ්ලා !

ඇයි ප්‍රේමදාසලා රාජපක්ෂලා ඉඳගෙන අනිත් අය හිටගෙන ඉන්නෙ..? අසනීප හින්දා හෝ වයස හින්දද..
ෆුට් බෝල් ගහන ප්‍රේමදාසයි, ඔලුවෙන් හිටගන්න රාජපක්ෂයි ආගමික වතාවත් කරනකොට විතරක් පුටුවක ඉඳගන්නෙ ඇයි.?
 මොකක්ද මේ නඩත්තු කරන්නෙ.? . තමන් මහජන සේවකයෙක්,..කරන්නෙ වෘත්තියක් කියලා තේරුම් නොගෙන ලංකාවෙ ඡන්ද දායකයො ඉල්ලන මහරජ මානසිකත්වය මේ නඩත්තු කරන්නෙ..
 එයාලම වන්දනීයයි පූජනීයයි උත්තරීතරයි කිය කිය වේදිකාවල බෙරිහන් දෙන ආගම ඉස්සරහම අනිත් උන්ව හිටවලා එයාලා ඉඳගන්නෙ ඇයි..

මේ පෙන්නන්නෙ උද්දච්ඡකම, බලය නිසා ඇතිවෙලා තියන කාලකන්නි ආඩම්බරකම , මාන්නය.

මීට අවුරුදු ගානකට කලින් කතා වල ඉන්න ආරච්චිලව, මුදලිලලව, ගම්පතියන්ව මතක් වෙන්නෙ නැද්ද මේක දකිනකොට.
රොබින්හුඩ් එකේ ෂෙරීෆ්ලව මතක් වෙන්නෙ නැද්ද..

උන් ෂෙරීෆ්නං උඹලා අපි කවුද ?
වැඩවසම් ප්‍රවේණි දාසයො..

මං කාගෙහරි ප්‍රවේණියක ප්‍රවේණිදාසයෙක්, වහලෙක් නෙමෙයි. ප්‍රජාතන්ත්‍රවාදී රටක පරමාධිපත්‍යය අයිතිය තියන පුරවැසියෙක්.

මට ඕනෙ නෑ කවදාවත් අපේ බදු සල්ලි කළමණාකරණය කරලා අපේ වැඩ ටික කරවගන්න පත් කරන සේවකයා මාව උගෙ වහලෙක් ගානට දාලා රාජාණ්ඩුවක් නඩත්තු කරනවා දකින්න. ඌ මාව උගෙ යටත් වැසියෙක් කියලා හිතන් ඉන්නවා දකින්න.

ඉතින් කරුණාකරලා මේ ආඩම්බරකාර, රාජාණ්ඩු, වැඩවසම් මානසිකත්වෙන් ඉන්න ලෙඩ්ඩුන්ව ප්‍රතික්ෂේප කරන්න.

ෂෙරීෆ්ට බලේ තියන හින්දා ෂෙරීෆ්ට අසාධාරණ බදු ගෙවන්නෙ මෝඩ ප්‍රවේණිදාසයො.
අපිට ඕනෙ රොබින්හුඩ්ලා !


  - චමල් අකලංක පොල්වත්තගේ

හරිතැන හිටගන්න.!

මැතිවරණ සටනේ ගෝටාබය රාජපක්ස සහ සජිත් ප්‍රේමදාස ප්‍රමුඛ ප්‍රධාන දේශපාලන ධාරාවන් ද්විත්වයම මේ මොහොතේ..

රාජ්‍ය ත්‍රස්තවාදය,
මිනීමැරුම් සංස්කෘතිය,
භීෂණය , මැරකම උත්කර්ෂයට ලක්කරමින් සිටියි. ප්‍රතිඵලයට පෙර සිටම භීතිය වපුරමින් සිටියි.

හොරකම , වංචාව, දූෂණය, මහජන මුදල් අවභාවිතය සාමාන්‍යකරණය කරමින් සිටියි.

ජාතිය, ආගම, වාර්ගිකත්වය මත පුරවැසියන් බෙදා වෙන් කරමින් අන්තවාදය   ව්කුණමින්, ජාතිවාදීන් අන්තවාදීන් හා ඩීල් දමමින් සිටියි.

සිරා හොරා.. රනිල් බබා..?

ජනාධිපති වගකීම් පැහැරහැරීම, හිස්බුල්ලව, අසාද් සාලිලව හුරතල් කරන එක හා ඒවා හෙළිවනකොට පාර්ලිමේන්තු කාරකසභාව නවත්තන්න හදන එක, කැබිනට් රැස්වීම් වර්ජනය කරන එක ඔක්කොම හරි තමයි.

හැබැයි ඔය අස්සෙ අගමැති රනිල් වික්‍රමසිංහ ඇතුළු එජාපය  පාස්කු ප්‍රහාරය සම්බන්ධයෙන් සියළු කුණු ජනාධිපතිගෙ පිට දාලා අතපිහදගන්නවා කියන එක අමතක කරන්න එපා.

ජාතික ආරක්ෂාව සහ පාස්කු ප්‍රහාරය

පාස්කු ප්‍රහාරය පිළිබඳ පාර්ලිමේන්තු විමර්ශන කමිටුව ඉදිරියේ සාක්ෂි ලබා දීමේ දී ජාතික ආරක්ෂාවට තර්ජනයක් සිදුවන දේ කියවෙනවා කියා කවුරුන් හෝ කියනවානම් ඒ කමිටුව ඉදිරියේ කියූ දේවල් නොඇසූ අයෙක් විය යුතුය.

ඇරත් ඒ මහත්වරුන්ට අනුව ජාතික ආරක්ෂාව යනු,
ආරක්ෂක කවුන්සිල රැස්වීම් අත්තනෝමතික ලෙස විහිලුවට ගෙන , කලින් දැනුම් දී තිබූ ප්‍රහාරයක් වළක්වා ගැනීමට නොහැකි වීමෙන් කිසිවක් නොවන එකක් වන අතර,
පාර්ලිමේන්තු කමිටුව ඉදිරියේ දෙන සාක්ෂි වලින් නැතිවන එකකි.

බම්බුව..!!

ඔවුහු එය දැනසිටියාහ !!

වගකීම් පැහැරහැරි ජනාධිපති, අගමැති ඇතුළු දේසපාලන බලාධිකාරය අමතකය.

ප්‍රහාරයෙන් පසුව ඔවුන් වෙත පැන නැගුන මහජන විරෝධය ඉතා සාර්ථකව වෙනත් බොහෝ පැති කරා හරවා දමා තනුක කර හමාරය.

ප්‍රහාරයේ වගකීම ගතයුතු දේසපාලන නායකත්වය සම්බන්ධයෙන් කිසිදු පියවරක් ගෙන නැත.
ප්‍රහාරයට සම්බන්ධ ත්‍රස්තවාදීන් හා සබඳතා පැවැත්වූ බවට චෝදනා ලැබූ දේසපාලඥයන්ට තවමත් නීතිය ක්‍රියාත්මක වී නැත.

වාර්ගිකත්වය ආගමිකත්වය මත පදනම් නොවූ එක නීතියක් සම්බන්ධයෙන් ගෙනා කථිකාව අහෝසි ය.

පක්ෂ විපක්ෂ සියළු දේසපාලන යාන්ත්‍රණයන් තම තමන්ගේ ඡන්ද ව්‍යාපෘතිවෙනුවෙන් මළවුන් විකුණමින් ජාතිවාදය ආගම්වාදය පෝෂණය කරමින් නිර්ලජ්ජිතව හැසිරෙමින් සිටියි.