අනේ උඹලෑ ළමා දිනේ

ගසා හොරණෑ දවුල් වන්නං ඇවිත් ලොකු ඇමති .........මැතී
පිරිවරා මැති ඇමති සමගින් වේදිකාවක වැනි...............වැනී
දොඩා කියමින් ලොකු කතා මළු ළමා දිනයේ හැපි........හැපී
හමාරව යයි කතා කර පැය තුනට දරුවෙක්......කෙළෙසෙති

ඇමති නිළදරු එක එකා ඇත ළමයි රකිමියි....................කියමිනා
සභාපතිල ද සංවිධානද පඳුරු ගණනින්..........................බිහිවෙනා
මීඩියා වල පුවත්පත් වල දරුවො ගැන උන්.....................කියවනා
එක් දිනට මේ පොළොව මත අට දෙනෙක් දරුවන්....කෙළසෙනා

කප්පරක් ඇත සම්මතව ලොකු නීති උන්ගේ ...............හිතුමතේ
පාසලක් නැත දරුවො දහසක් හඬයි තවමත්.................මහමගේ
උගන්වන්නට  දරුව යවනට එකේ වසරට......................පාසලේ
ප්‍රින්සිපල් හා නිදිවදින්නට අම්මා යායුතු මේ.......................රටේ