Tuesday, November 8, 2016

හිලරිගේ පරාජයෙන් ඇමරිකාව උණුසුම් වෙයි...!!



හිලරි මැතිණියගේ පරාජයෙන් පසු ඇමරිකානු පරිසරයේ අඳුරු වීමක් දක්නට ලැබෙන අතර වෙනදා නොදුටු මූසල බවකින් වෙලී ගොස් ඇත.. කැලිෆෝනියා හා කොළරාඩෝ ප්‍රාන්ත වල ටෝනාඩෝ තත්වයක්ද හටගෙන ඇත.. නිවාස වල ගෑස් උදුන් අක්‍රීය වීම,නූඩ්ල්ස් , පැස්ටා, මැකරෝනි ,බේකන් තැම්බීම නැවතීම ද බොහෝ හිලරි අනුගාමිකයන් බඩ දැඟලීම, ආහාර දිරවීම අපහසු වීම, මළ බද්දය, හදවත් රිදීම ආදී රෝග තත්වයන් නිසා රෝහල් ගත කර තිබෙන බවත් වාර්තා වේ..

ට්‍රම්ප් මහතාගේ ජයග්‍රහණයෙන් පසු රටපුරා මැතිවරණයට පෙර තිබූ තත්වයටත් වඩා මේ වනවිට හිලරි උණුසුම තීව්‍ර වෙමින් ඇත.

පරාජයෙන් පසු හිලරි මැතිණිය චිකාගෝ හී ඉලිනොයිස් ගම්මානයේ තම නිවසට ගිය අතර ඒ නිවස වටා දහස් ගණනක් ඇමරිකානුවන් ඇමරිකානු කොඩි ඔසවමින්...

" හිලරි මමී. හිලරි මමී.. යූ ආර් අවර් හිලරි මමී..,"
"ඕ මයි ගෝඩ් "
 " කාන්ට් බිලීව් දිස් හිලරි මමී..."
" වට් ද ෆාක් හිලරි මමී.."
" ප්‍රේ ෆෝ අමෙරිකා.."

ආදීය කියමින් ගෝෂා කරමින් හොටු හූරමින් හඬා වැළපෙන බව වාර්ථා වෙනවා...

මේ අතර වොෂින්ටන් සිට විශේෂ ජෙට් යානයකින් ඉලිනොයිස් හී තම නිවසට ගිය හිලරි මැතිණිය නිවසේ ජනෙල් පඩිය මතට නැගී විශේෂ  ප්‍රකාශයක් කරමින්...



" මාව පැරැද්දුවෙ ටෙක්සාස් ෆ්ලොරිඩා තලේබාන් IS උන් අපෙ පූජකතුමනී.... " කියා පපුවට ගසා ගත්තා ය..

ඇමරිකාව පුරා පොත් හල් ද හිලරි අනුගාමිකයන්ගෙන් පිරී ඉතිරී ගොස් ඇති අතර ඇමරිකානු සිතියම් පාට පැන්සල් හා ප්ලැටිග්නම් පෙට්ටි, අඩිරූල් මංකොල්ලකෑම් වාර්තා වන බව ෆෙඩරල් පොලීසිය පවසයි...
ඔවුන් ඇමරිකානු මැතිවරණ සිතියම් පාට කරමින් තලේබාන් හා isis යළි නැගිටින ප්‍රදේශ සිතියම් ගත කරමින් සිටින අතර ඒවා හා ට්‍රම්ප් දිනූ ප්‍රදේශ සමපාත වන නිසා cia ආයතනය විසින් ඒ ලද බුද්ධි තොරතුරු අනුව සිතියම් වල පාට කළ ප්‍රදේශ වෙත සිය නිලධාරීන් යවා ඇත..

මේ අතර ඇමරිකාවේ ප්‍රසිද්ධ ගායක හිලරි අනුගාමික එමිනම් මහතා BBC ය  වෙත

 " යෝ නිග්ගා අහසෙ දෙයියො නෑ.. පොළොවෙ ඉන්න එකම දෙවියා හිලරි තමා... මරලා හරි ගන්න තිබ්බෙ.."

කියා ආන්දෝලනාත්මක ප්‍රකාශයක් ද සිදු කර ඇත...

එමෙන්ම මේ වන විට නිව්යෝර්ක් හී ටයිම්ස් චතුරශ්‍රයට කෝටි පහක ඇමරිකානුවන් පැමිණ ඇති අතර "සියටැ ලේ " හා " කිතු බල සේනා " සංවිධාන වල ප්‍රධාන පූජක උතුමන් සඳහන් කළේ මෙය රුසියානු කුමණ්ත්‍රණයක් බවයි..

ඔවුහු ඇමරිකානු ජාතියත් , ක්‍රිස්තියානි ශාසනයත් වෙනුවෙන් නැවතත් කෙසේ හෝ හිලරි මැතිණිය ජනාධිපති කරන බව ද, බැරි නම් උපජනාධිපති හෝ ප්‍රාන්ත සමූපකාරයේ සභාපතිනිය හෝ  කරන බවද පවසා සිටියහ..

ඇමරිකාව පුරා..

ඔබයි අපට හිලරී
හිලරි හුළඟ
හිලරි සමග නැගිටිමු
බැක් ටු හිලරි
රට වෙනුවෙන් හිලරි
ක්ලින්ටන් යුගයක් කරා

ආදී ව්‍යාපාර නැවත බලය ලබා ගැනීම සඳහා ඒකාබද්ධ ඩිමොක්‍රටික් විපක්ෂය විසින් දියත් කර ඇත...

මේ අතර හිලරි මැතිණිය විසින්

"මම ඊමේල් යැව්වා... මහත්තයගෙ අනියම් සම්බන්ධතා වලට අනුබල දුන්නා.. හොරු කුපාඩි රැක්කා අපෙ පූජකතුමනී...ආයෙ එහෙම කරන්නෑ..." කියා සිය ට්විටර් ගිණුමේ සටහනක් තබා ඇත...

මේ අතර ජයග්‍රහණය කළ ට්‍රම්ප් මහතා වොෂිංටන් චතුරශ්‍රයේ දී අද සවස ජනාධිපති ලෙස දිවුරුම් දීමට නියමිත අතර මේ සඳහා ඩොලර් මිලියන දෙකහමාරක දියමන්ති පෑනක් දකුණු අප්‍රිකාවෙන් ආනයනය කර ඇති බවත් වාර්තා වේ..

දැනට ඇමරිකාවේ තත්වය එයයි..
ලද සැනින් එසැනින් පුවත් නැවත අප ඔබට ගෙන එන්නෙමු...
.


- චමල් අකලංක පොල්වත්තගේ
වොෂින්ටන් සිට

16 comments:

  1. මරාගෙන මැරෙනවා ඩෝ මමී වෙනුවෙන්,ට්‍රම්ප් කල වැද්දා වහාම ඉල්ලා අස්වෙනු. මිලියන 56ක මිනිස්සු අපිත් එක්ක ඩෝ.....

    ReplyDelete
  2. අයිසීස් නැගිටිනව අපේ හාමුදු... සොරි පූජකතුමනේ..

    ReplyDelete
  3. පරදිනබව හඳහනේ තිබුනා, බය නිසා මං කිව්වෙ නෑ

    ReplyDelete
    Replies
    1. උඹ දෙමලෙක්ද ඩො මේ හුකන සිංග්ලිෂ් ලියන්නේ

      Delete
  4. මහජනයා හිල රි බැලීමට දුම්රිය කුලියට ගෙන ට්‍රිප් යන අතර හිලරි මැතිණිය ඔවුන්ට මාශ්මෙලෝස් බෙදනවා ඇත.

    ReplyDelete
  5. Dennatama upahara geetha liyala Jaame beraththa neda ?

    ReplyDelete
  6. කවුරු කොහොම කිවුවත් ට්‍රම්ප් වැඩි චන්ද ප්‍රමාණයකින් දිනල ඉවරයි. අනෙක ජනාධිපතිවරනය පැවැත්වෙද්දී බලය තිබුනෙත් හිලටිගෙ පක්ෂයට. ඒ නිසා ට්‍රම්ප් බලය පාවිච්චි කළා කියන්නත් බෑ. ඇමරිකාවේ බහුතරයකගේ තේරීම වෙලා තියෙන්නේ පැහැදිලිවම ට්‍රම්ප්. ඒක පිළිගන්න වෙනවා. කනගාටු උනාට වැඩක් නෑ. ට්‍රම්ප්ට බහුතරයක් කැමති වෙන්න හේතුව හා හිලරි ප්‍රතික්ෂේප වෙන්න හේතුව හොයාගෙන ඇත්ත පිළිගන්න එක වැදගත්.

    ReplyDelete
  7. ට්‍රම්ප් ට වැඩිය චන්දෙ තිබුනේ හිලරිට. ඒත් අසන වලින් පරාදයි. නියම සංසන්දනය. හිලරි කොහොමත් වාත කේස් එකක්. මිනිසුන්ට තිබ්බේ නැහැ හරි චොයිස් එකක්.

    ReplyDelete
  8. තාම ක්‍රම්ට් කියුවෙ නැද්ද මම ජනතා සේවකයෙක් කියල එහෙම...
    තව ටික දවසකින් හිලරි බලන්නත් කට්ටිය වාහන හයර් කරාන යයි එහෙනම්...

    තවත් එසැනින් පුවත් බලාපොරොත්තු වෙනවා...

    ආ අර උපහාර ගීත දෙකත් මරු ඈ...

    ReplyDelete
  9. හැක් හැක් මේ ඇමරිකාවේ සිද්ධ වෙච්ච දෙයක්ද. නැත්නම් මෙහෙ වෙච්ච දෙයක්ද.

    ReplyDelete
  10. දහ අට සන්නියක්ම තමා...මරු ලොක්කා. ආබාධිත සඟ විරුවෝ නැද්ද ඔය රටේ.

    ReplyDelete