Friday, March 31, 2017

ඕකා අරුන්ට උදව් කළා.. උස්සලා මරපු එකමයි හොඳ


"  "

ඇස ගැටුණු ප්‍රකාශයකි..
මෙහි " අරුන් " යනු යම් අපරාධ කණ්ඩායමක් ලෙස ගනිමු.. උස්සා මරා ඇති බවට සැක කෙරෙන්නේ රාජ්‍ය යාන්ත්‍රණයයි..
ප්‍රජාතන්ත්‍රවාදය නීතියේ ආධිපත්‍යය මානව හිමිකම් මූලික මිනිස් අයිතිවාසිකම් ගැන කතා කරන ලෝකයක තවමත් මේ රටේ මිනිසුන් නොදියුණු ගෝත්‍රිකයන් ලෙස හැසිරෙන්නේ ඇයිදැයි මම නොදනිමි..
මෙලොව ඕනෑම මනුෂ්‍යයෙකුට ගෞරවාන්විතව ජීවත්වීමට හා ගෞරවාන්විතව මියයාමට ඇති අයිතියට මම හිසනමා ගරු කරමි.. එය පිළිගනිමි..
එය සියළු පුරවැසියන්ට අදාල වන විශ්වීය එකක් විය යුතුය යන පදනමෙහි පිහිටමි.

යමෙක් අපරාධයකට සම්බන්ධයක් ඇත්නම් එයට පවතින නීතිය ක්‍රියාත්මක විය යුතුය.. ඔහු අපරාධකරුවෙකු ලෙස ඔප්පු වුවහොත් නීති ප්‍රකාරව ලැබිය යුතු දඬුවම ලැබිය යුතුය.. එහි තර්ක දෙකක් නැත..
නමුත් යමෙක් අපරාධකරුවෙකු ලෙස සැකකළ පමණින් ඔහුට එරෙහිව රාජ්‍ය විසින් නීතිය ක්‍රියාත්මක කරන්නේ පැහැරගෙන යාම,අතුරුදන් කිරීම, ඝාතනය කිරීම වැනි අපරාධකරුවන්ගේ නොදියුණු ගෝත්‍රික කැලෑ ක්‍රමයටමනම් අපරාධකරුවන් හා ශිෂ්ඨ සම්පන්න රාජ්‍ය අතර බෙදුම් ඉරට සිදුවන්නේ කුමක්දැයි දෙවරක් සිතා බැලිය යුතු නැත.. එය වැරදිය.. එය රාජ්‍ය ත්‍රස්වාදය මිස වෙන කිසිවක් නොවනු ඇත..

Thursday, March 30, 2017

අවසන් උපවාස ගීතය


===  ===
( ආශාවරී තාලයට ගායනා කරන්න )

.
තුම්මුල්ලේ ටවුමේ උපවාසය මම කළ දා
අප්පච්චී ඇවිදින් දොඩම් එක පොවා එදා....
අර හාමුදුරුවෝ ලියුමක් නොදුන්නානම් මෙදා...
කිරි බොන්න වෙන්නෑ මට ආයෙ දිනයක සදා....

අප්පච්චී... ඔබේ නම පවා
මියුරුයි කියා සිතුවත් එදා....
අප්පච්චී ඔබ ඒ තරම්
වියරුයි කියා සිතන්නවත් මට බෑ මෙදා....

Tuesday, March 28, 2017

ඉතිහාසෙ ගැන ආඩම්බරයි නං share කරන්න


මට තේරෙන්නෙම නැති දෙයක් තමයි ඇයි අවුරුදු දාහකට දෙදාහකට කලින් කවුරුහරි හදපු දෙයක් ගැන, හොයාගත්ත දෙයක් ගැන හරි මොකක් හරි මාතාවගේ වස්ත්‍රයක් ගැන ඊට කිසිම සම්බන්ධයක් නැති , කිසිම දායකත්වයක්වත් දක්වපු නැති , කොහේවත් ඉන්න අය ආඩම්බර වෙන්නෙ කියන එක..
එකම තර්කය ඒක තියන තැන ජීවත් වෙන එක.

ඊළඟට එන ප්‍රශ්ණෙ තමයි ඔය ලොකුම දේවල් හැදුවය අරක හොයාගත්තය මේක හොයාගත්තය , අහවල් වටින අවුරුදු ගාණක සංස්කෘතියය ඒක හින්දා ආඩම්බරය කියලා කියන අය ඒවයෙ සිද්ධවෙච්ච මනුෂ්‍යත්වයට නිගා දෙන අපරාධ ගැන ආඩම්බර වෙනවද කියන එක..

Sunday, March 26, 2017

ආන්දෝලනාත්මක ආශාවරී ගීතයේ අරුත


== ==

අද ගීතයටාරුතක් තුලින් කතා කිරීමට බලාපොරොත්තු වන්නේ පසුගිය දිනවල බොහෝ ආන්දෝලනයට තුඩු දුන් වීඩියෝව ඇතුලත් ආශාවරී ගීතය පිළිබඳවයි..

මේ ගීතයත් වෙනදා තෝරා ගන්නා ගීත වගේම මතුපිටින් පෙනෙම අර්ථයට එහා ගිය ගැඹුරු අර්තයක් අන්තර්ගත ගීතයක්.

මේ ගීතය ලියැවෙන්නේ තරුණ ධීවරයකුගේ දෘෂ්ටි කෝණයෙන්.

" ආදර අඹරෝරෙත් ඔබ මා මගහැර ගියදා
කඳුලැලි සයිරෝරෙහී කාලය ගිලී ගියා
මේ සඳ කැල්මවත් මගෙ දුක දැක්කා නම් එදා
විඳගන්න තිබුනා මට නුඹ සිහිකර මෙදා "

ඔහු මෙය කියන්නේද තම පෙම්වතියටයි..  අනිත් පෙම්වතුන් වගේම ඔහු ද තදින්ම  තම පෙම්වතියට පෙම් කළා..
නමුත් එක් අවාසනාවන්ත සිදුවීමක් නිසා ඔහුගේ සියළු බලාපොරොත්තු බිඳී ගිය අතර ඔහුගේ පෙම්වතිය නිසා ඔහුට ඔහුගේ සියළු නෑදෑ හිතවතුන්ද දේපළ වස්තුවද අහිමි වුණා..
නමුත් ඔහු වෙනත් පෙම්වතුන්ට වඩා වෙනස් අයෙකි.. ඔහුගේ පෙම්වතිය වන්නේ මුහුදයි.. බොහෝ දෙනා තම කාර්‍යාලයේ යුවතියකට පෙම් කරන්නාක් මෙන් ඔහු රැකියාව කළේ මුහුදේ නිසා ඔහුගේ පෙම්වතිය වූයේ මුහුදයි.. ඔහු මෙම ගීය කියන්නේ දියඹේ ඇති ධීවර යාත්‍රාවක සිටය..

එක් සඳ පෑයූ දිනක එනම් පෝය දිනක මේ සිදුවූ අවාසනාවන්ත සිදුවීම නම් සුනාමියයි..  කලින්දා පෑයූ සඳ වත් ඔහු රාත්‍රියේ මසුන් මැරීමේදී මේ විපත ගැන නොකියූ බවට

Saturday, March 25, 2017

ඇය


==   ==

හිරු කිරණ විගසට පැමිණ
ඈව සිපගත් මොහොතෙම
රනින් කරවූ විලසට
දුඹුරු පැහැ සම උදුලව...

සමහර ළඳුන් මගෙහී
ඇගේ වත දුටු සැනෙහී
බලා සිය නෙත් කොනෙනී
අරුමයක් මැයි කියතී....

නොදනිමි කිමද හිනැහුණු
වල රැඳි කොපුල දකුණු
එක් පිණි බිඳක් රැඳුණු
පියුම් පත මෙන් දිලුණු....

ඒ දෑස් දැක දෙවි සක්
සැක සිතී මයුරා පිලක්
ඇඳි වැනියි සිතුවම් දෙකක්
සඳ මතෙහි පැහැ කළු නිලෙන්..

කෙලෙස කියමිද සොඳුරු
ඇගේ පිරිපුන් පියොරු
ඉගිල්ලෙන්නට මියුරු
සැරසි දියවන තිසරු....

පිට මත රැඳුනු රූරා
වරල හෙමිහිට සැලෙනා
පොරබදිනු මෙනි ඉඳුරා
වරල සිපගනු සුළඟා...

නැඩ කිතුල් බඳ සරී
පුළුලුකුල රැඳි ඔසරි
පා තබන යුරු මිහිරී
විලස ඈ මන්දෝදරී...

ඇය දෙව්ලොවට බාරය
මෙලොව කත අසමානය
සිහිකර ඈ දිවාරැය
ලියමි අකලංකාරය....

#බස්කවි
#අකලංකාරය
  - චමල් අකලංක පොල්වත්තගේ

ස්තුතියි !!!


ජයග්‍රාහකයින් සියළු දෙනාට 18සන්නියේ  සුභපැතුම් !!!
සියළු දෙනාටම ස්තුතියි !!!

- චමල් අකලංක පොල්වත්තගේ

Thursday, March 23, 2017

වීරවංශ පද්‍ය පන්තිය



සෙවනැලි අවදි නොමවන මරදාන...කොනේ
ආණ්ඩුවෙ මහගෙදර තාප්ප උසට....පෙනේ
ජාතික වීරයෙක් ඇති කූඩුව.............අයිනේ
කෑවත් නැතත් උපවාසය කරනු........පෙනේ

මහරජතුමා රජකළ පෙර දවස්..............වල
අටවා පැලක් මැදිකරගෙන..........තුම්මුල්ල
ලෙමන් පෆ් කකා උපවාසයක්...............කල
දෙවරක් උපන් විරුවෙක් නැත...මෙසක්වල

රට වැනසෙයි කියා වැද බටහිරේ...........රත
කුමන්ත්‍රණ වෙයි කියා ලෝකය සතර....අත
වීරවංශ ඇති විට අට්ටාලෙ...................මත
කැප්පෙටිපොළ නොව දාහක් එතන......ඇත

Tuesday, March 21, 2017

ඉදින් අප මහා විහිළු ලහිරුසේකරයානෝ

....

සිය පිරිවරැ සමගැ ලිප්ටන් රවුමටැමැ පැමිණ පීඨිකාවක් ගසා එහි නැග..
අයුක්තිය අසාධාරණය රජ කරන සමාජයක යුක්තිය සාධාරණය වෙනුවෙන් සටන් වදින කැඳ-වුම්කාරෞත්තමයා වෙමි... සජානා... මම දුප්පත් තමයි.. එනමුත් මගෙ හෘදයවස්තුවට කුටීර හතරයි..
මානව දැනුමස්කන්ධය නම් කහවණු මත්තේ තීරණය කළ නොහීය.. එහි අතුරු ඵලයෝද එසේ තීරණය කළ නොහීය.. එබැවින් එසේ දැනුම විකිණෙන ලොවකැ  මා කෙසේ අතපය දිගැර සිටින්නෙමිද මල්වතු හාන්දුරුවනේ යි ගර්ජනා කර..
 කහවණු මත්තේ තීරණය වූ මානව දැනුමෙන් නිපදවා වූ ඵල ද.., අතුරු ඵලද හාල්මැස්සන් අනා ඇති බත් පතෙක ගොටුකොළ කැබලි ඉවත් කරනා ගාෆීල්ඩ් මෙන් සියල්ලමැ ප්‍රතික්ෂේප කළාහ..
කිරට මිරිසට තෙලටැ සම්බෝලයට පිසීම නම් ආදි මානවයාගේ දැනුමෙන්මැ සොයාගත් ඉවුම් පිහුම් උපක්‍රමයෝයැ.. හන්දියේ මාතර බත්

Monday, March 20, 2017

අප්පච්චි මළා කිව්වට දිගට හරහට



" අප්පච්චී මට තැලුවට " ගීතයේ තාලයට ගායනා කරන්න.. ( තනුව පහත ලින්කුවේ )
.
.
අප්පච්චි මළා කිව්වට දිගට හරහට
සන්තකටම මට තිබුණෙත් නුඹගෙ දයාව
යහපාලනෙ කැන්දාගෙන ආව දසාව
දිව හැරුණා අප්පච්චී වෙනදා වගේම.....

ඇමති වෙලා කරපු කෙරුම් බැහැ මතකෙන් යවා ගන්න
ඉන්නට බෑ මට නම් තව ඇමති කමක් නැතුව මෙහෙම
දෙපා වඳින්නම් වැතිරී අප්පච්චියෙ සමාවෙන්න
අවසර දෙනවද සොයිසට සිරිසේනගෙ ළඟට යන්න....

අප්පච්චි මළා කිව්වට දිගට හරහට....

මගේ ෆයිල් FCID යනවා බෑ බලන්න
ඒ හින්දයි දෙයියො ළඟට ආවේ මං වැඳලා යන්න
අනේ මගේ අප්පච්චී එපා වෛරයෙන් බලන්න
ආයේ බලේ ගත්තෝතින් ඇමති කමක් මටත් දෙන්න..

අප්පච්චි මළා කිව්වට දිගට හරහට....


#අකලංකාරය
  - චමල් අකලංක පොල්වත්තගේ

https://youtu.be/riuMgrnNCP4

Sunday, March 19, 2017

ප්‍රශ්ණයට විචාරයට පූජනීය සීමා ???

==

බොහෝ දෙනෙක් මොලොව මිනිසා විසින් නිපදවා පූජනීයයැයි සම්මත කළ දේ ප්‍රශ්ණයෙන් විචාරයෙන් බැහැර වේ යැයි සිතයි.. එසේ වන්නෙ ඇයි..
මෙලොව සියල්ල ප්‍රශ්ණයට විචාරයට යටත් ය...

සංස්කෘතිය ජාතිය ආගම පාසල දේශපාලනය හෝ ඔබ උත්කර්ෂයට නගන වෙනත් දේ ඔබ මෙන්ම තවත් අයෙක්ටද එසේම වෙයි.. එසේ හෙයින් ඔබ කැමති දේ වඩා වටින්නේය හොඳම දේ එයය. එකම දේ එයය. එය පමණක් පූජනීයය යන සිහිනයෙන් මිදෙන්න.. ඔබේ සීමාවන් හඳුනා ගන්න..
එය ඔබට පූජනීය වූවාට මට එසේ වන්නේ නැත.. ඔබ එයට ගරු කලා කියා මා එයට ගරු කළ යුතු වන්නේ නැත..

Friday, March 17, 2017

මහින්දෝත්තම අධිරජාණෝ හා මුහුදුමංපහරන්නන්ගේ කතා වත්තුව




පෙර ටසිරිලක මහින්දෝත්තම රාජපක්සාභිධාන මහාධිරජාණෝ රාජ්‍යය විචාරන කල්හී නීල පීත ලෝහිත පච්චාදී වර්ණාලෝකයෙන් හැඩවූ රාත්‍රී කොත්තු කඩයක් මෙන් ආශ්චර්‍යයයේ ගිලී නේක වර්ණයෙන් විරාජමානව සිරිලක බබලන්නාහ.. මෙ ලෝ ධාතුවටම බල බෑ මහින්දෝත්තම අධිරජාණන්ගේ නම ඇසූ සැණ විදුලි පුටුවට යාමට බියවී හඬන්නෙකු මෙන් ගෞරවපූර්වක බියෙන් ලොව මහා දේශයෝද සලිත වී මිලින වී ගියාහුය..
මෙසේ ටසිරිලක ජනී ජනයා ආශ්චර්‍යයයේ බබළද්දී පසුවැ එතුමාණෝ "බලය නම් කිම.. වහා නැතිවන සුළුය.. මීළඟ ලොවට යහපතක්ම කරගනිමියි.."  කියා.. සිය අනුප්‍රාප්තික වෙදැ ඇමැතියා වූ සරලාභිධාන මෙත්පල් සිරිසන්ට වෙස්සන්තර රජුන් මෙන් රාජ්‍ය භාර දී මන්දමූලන ගම්මානයේ සමවත් සුවෙන් භාවනායෝගීව කල් ගෙවන්නාහ...

මෙසේ කලක් ගතවන්නා වූ අතරෙහි සරලාභිධාන නරේන්ද්‍ර මෙත්පල් නිරිඳානෝ දැහැමෙන් සෙමෙන් සරලව පන්සිය දෙදහසක් වූ මහා ප්‍රෞඩ වංශය රකිමින් මඩුවලිගය අතින් ගත් දැඩිමුණ්ඩ දෙවියන් මෙන් රකින්නාහ..
මෙසේ කලකදී සෝමාලියානු දේශයට අභිමුකව මහාසමුද්‍රයේ මංපහරන්නෝ පිරිසක් බිහිවන්නාහ.. මුනින් ඉහළට කරකැවූ උඩු රැවුලද.. වර්ණගැන්වූ ඉඳුණු රඹුටන් වන් රුදුරු දෑසින්ද හිස මත රැඳි තොප්පියෙන්ද යුතුවූ ජැක් ඉස්පැරෝ නම් මහා මුහුදුමංපහරන්නාගේ නියමයෙන් අණසක පතුරන්නාහ.. හේ නම් රුදුරු නාගයෙක්මැ විය.. සමුදුරු රකුසෙක් මෙන් දියෙන් මතුව පිරිවරැ සමගම නාවුක යාත්‍රා පැහැරගෙන කප්පම් ලබා ගෙන, ඒ වා නොදියහොත් මරණයම තීන්දු කළාහුය.. එසේ සූමාලියානු මුහුද හරහා යාත්‍රා කරන්නේනම් සමන්තකූඨය වන්දනා කරන්නට යන උපාසකයෙක් මෙන් සිය දේපොළ ඉඩකඩම් වතුපිටි අඹුදරුවන්‍ට පවරා ඉෂිතා දමා යාමට අකමැති රමන් බල්ලා මෙන් නාවිකයෝ යළි නොඑන ගමනක් මෙන් යාත්‍රා කළාහුය..

මෙසේ දිනක් වෙළඳාමේ නිරතවූ ටසිරිලකටම අයත්වූ නාවුක යාත්‍රාවක් ජැක් ස්පැරෝ රකුසා හා කොල්ලකරුවෝ තම ග්‍රහණයට ගත්තාහුය.. කොම්බුවේදීන් හා සූර්‍යටීවීවේදීන් අමතා ජැක් ස්පැරෝවන් විසින් කප්පම් ලෙස සියළු හොර උපාධි කඩ වසන ලෙසත් , හෝම් තියටර් සිස්ටමයක්, දොර දෙකේ ශීතකරණයක් , හම්බන්තොටින් පර්චස් පහළොවක් හා ඩේසි ආච්චිගේ මැණික් මල්ලද ඉල්ලා සිටියාහුය.. මෙය ලබා නොදුනහොත් නාවුකයන් සියල්ලෝම කළුවර  කාමරයකට දමා නින්ද නොයන ලෙස ඇසිපියට ඉරටු ගසා මියෙන තුරු ඩොල්බි සවුන්ඩ් මගින් බූට් සින්දු ඇසීමට සළස්වන බවට තර්ජනය කළාහුය..

Thursday, March 16, 2017

සුළු ජාති,ආගම් නැති ලංකාව

==  ==
"ගොවිගම" කුලේ ඉපදීම ගැන ආඩම්බරයි නං සෙයා කරන්න...

අපි වලව්වෙ "රදල" ඩෝ.. ඔය කෑගහන අනිත් පොඩි කුලවල උන්ගෙ මහ උන් අපේ කුස්සිවල වළං හේදුවෙ ඒ කාලෙ..

පන්සලේ මහණ කරගන්නෙවත් නැති අනිත් කුලවල උන් පලයන් ඩෝ.. අපි ගොවිගම..

I am "Gowigama" and proud to say it

දකුණෙ "කරාව" උන්ට වෙනම රටවල් දෙන්න තොපෙ ඉඩම් කියලා හිතුවද..  තුත්තිරි ගස් ඒ විදිහට හිටපන්.. මේක අපේ  උන්ගෙ රට යකෝව්..

කුලහීන උන් පැත්තකට වෙලා හිටපන්..  " කුඹල් " එවුන්ට ගෑනු දෙන්නෙ නෑ.. වළං හදපු උන් ලොකු වෙලා තියන හැටි බලාන්කො..

දළදා වහන්සෙ බලාගන්න පුළුවන් අපිට විතරයි යකෝ..


Wednesday, March 15, 2017

අස්ගිරියෝ හෝතී බ්‍රාහ්මණෝ

අඩු කුලයේ වීම නිසා රාමාඤ්ඤ නිකායේ හිමිවරුන්ව අස්ගිරි නිකායේ හිමිවරුවන් විසින්  දළදා මාළිගාවෙ මගුල් මඩුවේ පැවති උත්සවයේදී වෙනත් තැනක අසුන් පැනවීම නිසා බුදුන්වහන්සේ දේශනා කළ පහත ගාථාව වෙනස් කරන ලදී..

නජජ්ජා වසලෝ හෝතී
නජජ්ජා හෝතී බ්‍රාහ්මණෝ
රාමඤ්ඤෝ වසලෝ හෝතී
අස්ගිරියෝ හෝතී බ්‍රාහ්මණෝ....

( යමෙක් උපතින් වසලයෙක් හෝ බ්‍රාහ්මණයෙක් හෝ වන්නේ නැත..
යමෙක් වසලයෙක් වන්නේ රාමාඤ්ඤ නිකායෙන් වන අතර අස්ගිරි නිකායේ වීමෙන් හේ බ්‍රාහ්මණයෙක් වේ )

- නව සංස්කරණය ( අස්ගිරි නිකාය )

ආඩම්බරයි නං සෙයා කරන්න

#අකලංකාරය

Monday, March 13, 2017

අන්තරේ ලොජික් පද්‍ය පන්තිය..!!


 ==
.
සයිටම් SLIT ද NSBM...........................වසනූ
රොටරිය සක්‍යා ටියුසන් කඩ.......හකුලගනූ
සිඟිති ලිට්ල් කිඩ්ස් පෙර පාසල්..........වහනූ
සමාජවාදේ එනකන් උන්...............අතුගානු

රජයේ යුනියෙ උන් පමණක්..........බුදුවේවා
අන්තරෙ එවුන් සැරියුත් මුගලන්........වේවා
ප්‍රයිවට් යුනිවර්සිටි හැඳිගෑවී..............යේවා
නිදහස් මෙව්වා එක සැමදා..........සුරැකේවා

එක බංකුවේ හිඳ පහ වසරේ.............ඉඳලා
බත් පත කෑවාට උඹ හා.............පොරකාලා
ප්‍රයිවට් යුනිවර්සිටියට ගිය දා..............ඉඳලා
ධනපති කුමන්ත්‍රණ කාරිය උඹ..........විමලා

ලකුණු මදි වෙලා යුනි යන්නට..........බැරුව
ණය වී ගියා කියලා ප්‍රයිවට්................එකට
අදාල නෑ ඉගෙනගන්න බෑ...............තොපිට
ඕක වහලා බැහැපන් මහ..............පාරකට

Thursday, March 9, 2017

රස්නෙට ලියවෙන සින්දු


                     -----------

පූජා කරන්නම් ළිඳක් ඔයා නමින්
දැනෙනවාටත් වඩා රස්නෙ අඩුවෙන ලෙසින්...

----------

මේ රස්නෙනං හරි මගුලකි
පොඩි සහනයක්වත් නම් නැතී
මට පෙන්නලා අව්වේ හැටී
ඉර ගන්න ෆන් හොඳටම ඇතී....

----------

ඔයාට වැස්ස එපානං
කලින් කියන්නට තිබුණා..
මේ තරන් මෙහෙ රස්නෙ නොකරම
කූල් කරන්නට තිබුණා...

----------

ඉරෙ බ්‍රයිට්නස් අඩුවෙනතුරු
කූල් වෙන්නෙ නෑ
අව්වට කරවෙනවා අපී
රස්නෙට පිච්චෙනවා අපී
කූල් වෙන්නෙ නෑ...//

----------

ගෝත්‍රිකයෝ | ශ්‍රී ලංකා පාර්ලිමේන්තුව | නෙල්සන් මැන්ඩෙලා



===   === 


ලාංකීය ජනතාවගේ උත්තරීතරම ආයතනය වන පාර්ලිමේන්තුව ඇතුළු අනෙකුත් නියෝජන  ප්‍රජාතන්ත්‍රවාදය ක්‍රියාත්මක කරන ආයතන ද අනවශ්‍ය දේ කතා කරන..  පහර දෙන.. කුණුහර්පෙන් බැනගන්නා.. ගහමරා ගන්නා අන්ත නිර්ලජ්ජිත තත්වයට පත්ව ඇත.. මානසික රෝගීන් හා පෙරපාසල් දරුවන් මෙන් හැසිරෙන මන්ත්‍රීවරුන් නිසා අහිමි වන්නේ මහජනතාවගේ ප්‍රජාතන්ත්‍රවාදී අයිතීන් ය.. රටේම අනාගතයය.. 

මේ පහත ඇති සටහන මා උපුටා ගත්තේ දකුණු අප්‍රිකානු හිටපු නායක නෙල්සන් මැන්ඩෙලා මහතාගේ ස්වයංචරිතාපදානයෙහි මහින්ද හත්තක මහතාගේ සිංහල පරිවර්තනයෙනි..

ලෝකයා විසින් පහත්කොට සලකන සතුන් දඩයම් කර ආහාරයට ගන්නා.. අව්වට වැස්සට ගින්නට වඳින දකුණු අප්‍රිකානු ගෝත්‍රික ජනතාව තම ගෝත්‍රයේ පාලනය  ක්‍රියාත්මක කළ ආකාරය පිළිබඳ පහත සටහන සාක්ෂි දරයි..

මෙය කියවීමෙන් පසුව දියුණුයැයි කියාගන්නා අපේ පාලකයන් ගෝත්‍රිකයන්ටත් වඩා කොතරම් පහත් තත්වයක සිටියි දැයි වැටහෙනු ඇත..


( මැන්ඩෙලා තම පියාගේ මරණයෙන් පසු තම ඥාතියෙකු වූ තෙම්බු ගෝත්‍රයේ යුවරජුගේ නිවසේ කුඩා කල දිවි ගෙව්වේය.
එහිදී ලත් අත්දැකීම් ඔහු මෙසේ සඳහන් කරයි.. )

                               -----------------

( උපුටා ගැනීම පිටු අංක 39 )
//

පසු කාලයක නායකත්වය පිළිබඳ මාගේ දැක්ම හැඩ ගැස්වීමෙහිලා ගැඹුරු ලෙස බලපෑවේ යුවරජු හා ඔහුගේ පාලන මණ්ඩලය නිරීක්ෂණය කිරීමෙන් ලත් දැනුමයි.. නිරන්තරයෙන්ම මහ ගෙදර පවත්වනු ලබන ගෝත්‍රික රැස්වීම් දෙස බලා සිටි මට ඉන් ඉගෙන ගත හැකි විය. රැස්වීම් පැවැත්වීමේ නිශ්චිත දිනයන් නොවූ අතර අවශ්‍යතාව අනුව රැස්වීම් කැඳවනු ලැබීය.රැස්වීම් කැඳවනු ලැබුවේ නියඟය, ගවයන් ගාල් කිරීම, නඩුකාරයා නියෝග කරන ලද ප්‍රතිපත්ති හෝ රජයෙන් පනවන ලද නව නියෝග වැනි ජාතික වැදගත්කමකින් යුත් කරුණු 

Wednesday, March 8, 2017

හැපි විමෙන්ස් ඩේ.. පිස්සුද යකෝ..!!



" හැපි විමෙන්ස් ඩේ.. අපෙ හාන්දුරුවනේ..."

.
‍යකුනේ කාන්තා දිනේ කියන්නෙ අලුත් අවුරුද්ද වගේ කිරිබතුයි හැලපයි කාලා හැපි නිව් ඉයර් කියලා සමරන්න ඕන  එකක් ද..

තව ටික දවසකින්

සුභ දියවැඩියා ඩේ..
හැපි තැලසීමියා ඩේ..
සුභ සුනාමි ඩේ..
හැපි ඒඩ්ස් ඩේ..

කියන්නත් ගනී...

හැම දිනේම වෙන් කරන්නෙ හැපි යි සුභයි කිය කිය සමරන්න නෙමෙයි හත්වලාමේ...

කාන්තාවන් ට දිනයක් වෙන් කිරීම හැපි කිය කිය සුභපතන්න ඕන එකක් නෙමෙයි.. ලැජ්ජ වෙන්න ඕන එකක්..!!

කාන්තාවො ඔක්කොටම එදා ඉඳන් අද වෙනකන්ම පුරුෂ මූලික සමාජෙ ඇතුලෙ ලිංගික පදනම මත එල්ල කරපු පීඩනේ නිසා ඇතිවෙච්ච වරදකාරී හැඟීම යටපත් කරගන්න කරපු ස්වයං වින්දනයක් විදිහටයි කාන්තාවන්ට දිනයක් වෙන් කරන්නෙ..
උදාහරණයක් විදිහට හැමදාම කරපු පීඩනෙන් මිදෙන්න පුරුෂ මූලික සමාජෙන් වහල් හිමියො ටික වහල්ලුන්ට නිවාඩු දවසක් දුන්නා වගේ දිනයක් වෙන් කරනවා..

කාන්තාවො ටිකත් ඉතින් හනී අද අපේ දවසනී.. බලන්නකෝ මියා.. සුබයි හැපියි කිය කිය සමරනවා..

Monday, March 6, 2017

සිංහම්‍යාණන් හා යාත්‍රාංගනයේ වික්‍රමය


====

අකලංකාරයෙහි සිංහම් කතාවත්තුවේ එන යාත්‍රාංගනයේ වික්‍රමය පරිච්ඡේදයෙන් උපුටා ගන්නා ලදී..

සක්‍රයාගේ මාලිගය තනා නිමකරනු වස් විස්කම් දෙව්පුත් තෙමේ ගෙනා ගඩොළු එකමත එක අතුරාළූ කළෙක මෙන් තැන් තැන් හී ගොඩගසන ලද්දාවූ මහා වානේ බහාළුම් ගණකාභයෝය.. ඒ බහාළුම් මත්තෙහි වැටුණා වූ විදුලි ආලෝක කදම්භයෝ අළුයම් යාමෙහි හිමාල වනයේ තුරු පත් අතරින් වැටී එන සූර්‍යාලෝකය මෙන් ගණාන්ධකාරය මැඩ පොළොවට පතිතවන්නාහ..
නාවුක යාත්‍රාංගනයේ පයෙන් තුබූ ස්පර්ශයෙන් මහපොළොව දෙදරා ගොදුරු සොයා තනිව ඇදෙනා මිගිදෙකු මෙන් තේජමානව ඇවිදින්නාවූ සිංහම් ය.. විභීෂණ දේවතෞත්තමයාණන් මෙන් මුවවිටින් කොපුල් දෙපසටැ කරකැවූ උඩු රැවුලින් සැරස හාවකු පසුපස ලුහුබඳිනා රාජාලියකු සේ තියුණු වූ දෙනෙතින් හේ මැරයන් සොයා සක්මන් කරන්නාහ..
යාත්‍රාංගනයේ ලෝහයෙන් තනන ලද්දාවූ විසල් පඩිපේලි දෙදර දෙදරා පෙළට බස්නා මැරයෝය.. බහාළුම් ගණකයෝ අතරින් පහණට පැමිණෙන්නා වූ බිග් මැච් මැද පිටියට පනින ලද සිසුවෝ මෙන් ඇදෙනා මැරයෝය.. අකුණු පහරින් බබලනා යගදා මෙන් වානේ මන්නා දෑත දරාය.. දත් විළිස්සාය.. මුව රෞද්‍රය.. එකෙක් අත ලෙලව ලෙලවා පැමිණෙන විසල් අසිපතකි.. තවකෙක් අත කමිස කරෙන් බැස පිටමත්තෙහි ගොස් සරමෙහි රැඳුනා වූ අගින් වක් වූ මන්නයකි.. තවකෙක් අත කුරුඳු පොල්ලකි..
අංගනය පොළොව මත්තහි නිරුවත් දෑතින් පමණක් සන්නද්ධ නවක වදය දීමට ජුන්නෙක් සොයන ජේස්ටෞත්තමයෙක් මෙන් බලා සිටින සිංහම්යෝය..

විල් තෙරෙම වටකර සැදි මහා වනස්පතියෝ නිසාවෙන් පොළොවට නොවැටෙනා චන්ද්‍රාලෝක කදම්භයෝ අනවතප්ත විල මත්තෙහි වැටී බබළන්නාක් මෙන් සිංහම්‍යාණන් සිටින්නා වූ පොළොව මත්තෙහි විද්‍යුතාලෝක  කදම්භයෝ වෘත්තයක් සාදමින් හෙතෙමේගේ දඩයමට සුභ පතන්නාක් මෙන් වැටී බබළන්නාහ..

නන්දිකඩාල් කලපුවේදී වේලුපිල්ලෙයි හා තනිව සටනට බට කොමදෝරු යසෝෂිතා රාජපක්සාභිධාන කුමරුන් මෙන් යාත්‍රාංගන භූමියේ විද්‍යුතාලෝක කදම්භ වෘත්තය මස්තකයෙහි සිංහම්‍යාණන් බැලූ සැනින් දවා අලු කරන තියුණු නෙතින් බලා සිටින්නාහ.. හෙතෙමේගේ දෑතෙහි අත්ල මත එක්වූ අතැඟිලි සියල්ල එකක්ම වූ කලෙක යදමකින් බඳින ලද සංගක්කාරයාණෝ සිය පිත්ත දැඩිව අල්ලා සිටින්නක් මෙනි දැඩිව අත්ල ග්‍රහණය කර මිට මොළවන ලද්දාහ.. දෑතේ සිට ළය මඩලට යන්නාහූ ධමනියෝ ද ශිරාවෝද ඉලිප්පී කර මතින් කමිසයම තෙත්කර වැටෙන්නාවූ දාබිඳු වලට පොළොව සිප ගන්නට මග සදන්නාහ..