සල්මාන් හිරේ.. යහපාලනේ මේකද..

සල්මාන්ව හිරේ දමා ඇත කියා ප්‍රවෘත්තියක් දැක්කෙමි. සෞදියෙ උන් සතේකට ගණන් ගන්නැති ලංකාවේ කලවම් ඔටුවන් කියන්නේ ගෑනුන් අනිවාර්‍යයෙන් බුර්කාව ඇඳිය යුතුය කියාය. නමුත් ඉස්ලාම් හදවත වූ සෞදියේ ඔටුන්න හිමි කුමාරයා වූ සල්මාන් කිව්වේ බුර්කාව අනිවාර්‍ය නෑ කියාය. කෙසේ හෝ අවුරුදු දෙදාස් පන්සීයක් තිස්සේ පවතින සංස්කෘතික ගොංපාට් වලට ගොංපාට් කියා කීමට හැකි උන්ට කෙලවීමේ සම්භාවිතාවය වැඩි නිසා ඌටත් දරුවා ලැබී ඇත කියා හිතුවාට හිරේ දමා ඇත්තේ ඉන්දියාවේ සල්මාන් ය. ඉන්දියාවේ උන්නං අනේ මන්දා වන අතර මුවා මැරුවත් මොකෝ රඟපෑවනෙ..!! විදේස විනිමය උපයාදුන් රට බේරාගත් නළුවිරුවාගෙන් පළිගැනීම නවතනු..!! , කියා පෙළපාළියක්වත් යාමට කළගුණ දන්නේ නැති අඩුකුලේ පරහැත්ත ය.
අපේ සරල ජනාධිපතිතුමා හෝ බයනැති අගමැති තුමා හෝ හිටියානං කෙසේ හෝ බන්ධනාගාර රෝහල් ගත කර ඇපල් බා දී ගෙදර යවනවාය.

ඌ දඩයමේ යද්දි කවුරුත් සල්මාන් සල්මාන් ගා කතා කර නැති අතර එතන " නහී නහී සල්මාන් චෝර මෙරා මුවා.."" කියා කෑගසා, වෙඩි තියද්දී තුවක්කුවේ එල්ලීමට අයිස්වර්‍යා හෝ ජැකලින් හෝ සිට නැත.
ජැකලින් එක්ක සල්මාන් ආවේ ඔනරබල් අප්පච්චිගෙ ඡන්ද කැම්පේන් එකට ඔනරබල් නාමල් නීතීඥ තුමාගේ ඉල්ලීමට වන අතර එවැනි ජාත්‍යන්තර සම්බන්ධකම් පවත්වාගෙන යාමට අපේ උන්ට පින නැත.
කෙසේ හෝ එදා මීටිමේදී, රටක් රාජ්ජයක් බඳු වූ ද, එක්වර දුස්ටයන් අටලොස් අකෞෂණියකට හල්කාණන් මෙන් පහර දෙන්නාවූද, එක් බැල්මෙන් සුරඟනන් බඳු අඟනුන්ගේ හදවත් පුච්චා කරකුට්ටම් කරන්නාවූද, භාරතයට අබිමානයක් වූ ද, බොලිවුඩයේ අර්ජුන කමලනාත් වූද , සල්මාන් ඛාණ් රංගබයිසිකල් හැඬල්ධරයාට සිය පරම හතුරා වූ සාරුක්කාන් ගේ නම කියා අමතා ජාත්‍යන්තරය ඉදිරියේ ටසිරිලක ඒවන විට ඇඳසිටි දියරෙද්ද ද ගලවා දැමුවේ ඔනරබල් සුමතිපාලය.
එදා තුවක්කුවක් තිබුනාණං මරන්නේ මුවා නොව අස්සයාය. දඩයම කෙසේ වෙතත් සලමාන් සම්මාන ගද්දී කුඹුක්ගැටේදී සමනලී ගුටි කෑ අතර රටකට ඕනේ අපමණ අගය ලබා දීමට පැමිණි ඔනරබල් සිරිසේන උතුමාණන් විසින් ඒ පහරදුන් ඔනරබල් මැම්බර්ට සංවිධායක පට්ටමක් ද ලබා දුන්නේ කලගුන සැලකීමටය. ලංකාවටම විස්සාසබංගයක් ගෙනල්ලා රටම අහෝසි කර දාන්න ඕනේ කියා හිතෙන්නේ ඔය වෙලාවටය.

කෙසේ හෝ සල්මාන්ගේ මුවමස් ඊයේ කතරගම කඩදොර දේවාලයේ සීතකරණයක තිබී පොලීසියෙන් අල්ලාගෙන ඇති අතර., මට තියන ප්‍රස්නය වන්නේ දඩමස් සීතකරණයක නැතුව පිංකැටේට දාන්නද කියාය.
අනිත් එක හැමදාම පලතුරු ආහාරයට ගැනීම නිසා දෙයියෙක්ට උනත් ප්‍රෝටීන් ඌණතා ඇතිවීම ගැන පොලීසිය මීට වඩා දේවසිකව ( මානුසික යෙදෙන්නේ මනුස්සයන්ට නිසා ) සිතිය යුතුය.

දැන් ඒ වරදට සල්මාන්ට දඬුවම් කර හිරේට නියම කර ඇති අතර මගේ බලාපොරොත්තුව ඉතින් ලංකාවේ නීතියේ කුමරා වූ ද , වාර්තාගත ලකුණු ගන්නා ලද්දාවූද ඔනරබල් නාමල් විසින් සල්මාන්ගේ නඩුව කතා කර ඔහුව බේරා ගෙන ඔහු ජනාධිපති වූ මතු දිනක චිත්‍රපට සංස්ථාවේ සබාපති කර රටත් ජාතියත් ආගමත් බේරාගන්නට කියාය.

#අකලංකාරය
  - චමල් අකලංක පොල්වත්තගේ