පොඩි උන්ට බොරු උගන්නන එක නවත්තන්න

අපේ රටේ පොඩි උන්ට පොඩිකාලෙ ඉඳන් උගන්නන්නෙ බොරු.

ලෝකෙන් උතුම් රට ය. මේකෙ ඉපදෙන්න පිං කරන්න ඕනෙ ය. මාර අම්මටහුඩු මෙව්වා එක ය. ලොව අන් සියළු දිවයින් මේකට යට ය. අපි ඔය එකෙක්ටවත් පදිරි නැති ය. ඔක්කොටම ගේම ඉල්ලුව ය. සුද්දත් අපිට දෙකට නැමුන ය. අපිව යටත් කරගන්න එක කරන්න බැරි වැඩක් ය. ඔක්කොම සම්පත් තියෙන්නෙත් මේකෙ ය. අවුරුදු හැටහුටාමාරක අච්චර ඉතිහාසයක් තියනව ය. ඇමරිකාවට, ඔය ලෝකෙ ලොකුයි ලොකුයි කියන උන්ට එහෙම එකක් නැතිය. ඉතින් අපිට ඕකුන් අදාල නැති ය.  අපි උන්ට වැඩිය මාරය. උන්ව ගණන් ගත යුතු නැතිය. උන් වැද්දො ය. අපි පොරවල් ය. හොඳම ජාතියත් අපිය, හොඳම ආගමත් අපේ ය. මල් පිපෙන පොකුණු ය. කඳු ගං කැලෑ කුඹුරු ය.. ඔක්කොම තියෙන්නෙ මේකෙ ය. ඔක්කොම කෙරුමො ඉන්නෙ මේකෙ ය. පිංකෙත හෙල රන් දෙරණේ යලි උපදින්නට හේතු වාසනා වීවා.. බ්ලා බ්ලා..

දැන් ඔය හැම ලබ්බම තියනවනං. හැම මගුලටම වැඩිය මේක හොඳයි කියලත් කියනව නං ඕන එකෙක්ට හිතෙන්න ගන්නවා යකෝ දැන් මේ රටේ අපි ඉන්න තත්වෙ මේ කියනවා වගේ මාර මෙව්වා එකක්නං

 මොන මගුලටද අපි මීට වැඩිය උඩ යන්නෙ කියලා. පස්සෙ අර සිත නිවන කතා පම්පෝරියම ගහගෙන ඉන්නවා. මේකෙ ලෝකෙ උතුම්ම මෙව්වා එකනං මොන මගුලටද මීට වැඩිය දියුණු වෙන්නෙ බ්ලා බ්ලා.. කියලා..

ඕකුන් තමයි ඊට පස්සෙ.. රාවණා.. අංගං , රණවිරුවො හීන ලෝක වල පීන පීන ඇවිල්ලා අනේ අපිට ජාත්‍යන්තරේ වැඩක් නෑ යකෝව්.. අපි ඕකුන්ට ගහනවා යකෝ.. සුද්දොන්ටත් නෙලුවා යකෝව්.. අපි සුවාදීනයි ඩෝ.. ඔකුන් කියන විදිහට නටන්නෙ නෑ ඩෝව් ගගා මෙලෝ සංසාරයක් නැතුව වඩිගපටුන නටන්නෙ. උන්ට තමයි දවසෙම හිතෙන්නෙ ලෝකෙම මේක තම්බගෙන කන්න කුමණ්ත්‍රණේ කරනවා කියලා.  ඉතින් ඔය පම්පෝරියම ගහන ඕන ගොනෙක්ට රැවටිලා ඡන්දෙත් දීලා බෙල්ලත් දීලා මලත් කමක් නෑ අපෙ හාන්දුරුවනේ කියලා පස්සෙන් යනවා.. ඕකට තමයි ජාතිකවාදය දේසප්‍රේමය කියලා වෙන වෙන වචන දාගෙන කියන්නෙ. ඕවා දැම්මට පස්සෙ ඉතින් අර මෝඩයො ටිකව නවාගන්න එක සිම්පල්.  නැතුව වෙන අම්මටහුඩු මෙව්වා එකක් නෙමෙයි.

හැබැයි ඔය සමයං නැතුව..

පුතේ දුවේ..

මේක මහලොකු මෙව්වා එකක් නෙමේය. ලෝකෙ උන් මේක ගැන මෙලෝ සංසාරයක් දන්නේ නැතිය. අපිට වැඩිය ලෝකෙ ඕන තරන් පොරවල් ඉන්නවාය. මේකෙන් සීයෙන් එකක්වත් නැති සිංගප්පූරුවත් අපිට වැඩිය පොරවල් ය. සුද්දා දීපු තේ කොලයි යි, මිස්ටර් මිසිස් බණ්ඩාරනායකයි, ක්‍රිකට් ටීම් එකයි, සුසන්තිකයි, කොටියි වගේ තව අහඹු සිද්දි දෙක තුනක් නැත්තං මේක ලෝකෙ දැන් දන්න එවුන් ටිකවත් දැනගන්නේ නැති ය. ගොඩක් උන් හිතන් ඉන්නේ ඉන්දියාවෙ කෑල්ලක් කියාය. අපි ඉන්නේ ඔන්නොහොම තැනක ය. ඔය පම්පෝරි මොන ලබ්බක්වත් අදාල නැති ය. පරාක්‍රමබාහු ලෝකෙටම ගැහුවත් , රාවණා පිටසක්වල ජීවීන් එකක් හැලප තැම්බුවත් දැන් ඒ ලබ්බවල් කියෝලා තේරුමක් නැති ය. දැන් ලෝකෙ උන්ට තියන එකම එක නැවක මෙහෙ මුළු එයාපෝස් එකටම වැඩිය ප්ලේන් තියනවාය. අපිට ආර්තිකවත් දේසපාලනිකවත් යුදමය තාක්සනික හෝ ඔය මොන මගුලකින්වත් ලෝකෙ එක්ක කේවල් කිරීමේ බලයක් නැතිය. කොටින්ම ලෝකෙට අපිව අදාලම නැතිය.. එක තෙල් නැවක් ආවේ නැත්තං තොපිටයි අපිටයි ඔක්කොටම බජිරි තම්බන් කන්නවත් වෙන්නේ නැති ය. ආර්තිකයක් කියලා එකක් නැතිය. ඔක්කොම දුවන්නේ එක එකාගෙන් ගත්ත ණය කන්දරාවකින් ය. එක එකාට වැඳ වැඳ ගත් සහනාධාර නිසා ය. එතකොට හම්බෙන ආදායම් සොච්චමත් ගන්නේ එක එකාගෙ ගෙවල් වල වැඩට අසරණ ගෑනුන්ව යවා කටු කම්බි ගසාගෙන ය. රුපියල් පන්සීයෙ හයසීයෙ පඩියට උදේ රෑ වෙනකන් කඩාගෙන යවනා තේ කොල නිසා ය. ඒවත් සුද්දා දීපුවය. මැසින් පාගන කෙල්ලන් ටික නිසා ය. දෙයියනේ කියා මේක බලන්න එන සුද්දො ටික නිසා ය..
මිනීමැරුම් ය, ළමා අපචාර ස්ත්‍රී දූසන දාස් ගණන් ය. ඔක්කොම පැත්තකින් තබා ආගම ජාතියට අවුරුදු තිහ හතලිහ මරාගන්නා මෝඩ යක්කු ය.

අන්න ඒක හින්දා දුවේ පුතේ , උඹලා අපල වලට ග්‍රහ බෝල වලට කැරකි කැරකි පාං පත්තු කරන කොට ලෝකෙ වෙන උන්  ඒ ග්‍රහලෝක පවා ටෝක්ස් කරගෙන ගෙවල් හදන්නත් යනවා ය. අන්න ඒක හින්දා උඹලා දැන් ඉන්නේ අම්මටහුඩු උතුම් , සුපිරි, ඉපදෙන්න පිංකරන්න ඕනෙ ලබ්බක නෙමේය , උඹලා පිං කලානං ඉපදෙන්නේ නෝර්වේ ඕස්ට්‍රේලියාවේ මිස මේ ලබ්බේ නොවේ ය.
තොපේ රටට හරිහමන් ව්‍යවස්ථාවක් වත් නැත. තොපිව පාලනේ කරන්නේද තොපි අම්මටහුඩු ය කියා කඩේ යන්නේද මෝඩ මූසලයන්ටය. 
තොපි ඉන්නේ සුද්දා දීපු ප්‍රජාතන්ත්‍රවාදය මානව හිමිකමක්වත් රැකගන්න දන්නැති, ගෑනිව අන්තඃපුරේට උස්සන් ගියත් මහරජානෙනී කියලා එක එකාට දෙකට නැවෙන රාජාණ්ඩු මානසිකත්වෙක ය.

ඒක හින්දා දැන් කරුමෙට මේකෙ ඉපදුනානං ලෝකෙ ඉන්න අනිත් උන්ට පොර ටෝක් දිදී, උතුම් මගුලක ඉපදුනා කියා එක එක හිඟන්නන් කියනා ගොංපාට් ස්වයංවින්දන පැත්තකින් තබා  තොපියි අපියි ඉන්න තත්වේ අවබෝධ කරගෙන මහන්සි වෙලා අර වගේ රටක් හදන්න පුළුවන් විදිහට හැදියල්ලා..
ජපානෙ උන් පරමාණු බෝම්බ කාගෙන දියුණු උනානං, සිංගප්පූරුවෙ උන් ජර්මනියෙ උන් හැඳිගෑවිලාම ඉන්නකොට දියුණු උනානං , මුඩුක්කු කොරියාව ලොකුම ආර්ථිකයක් උනානං තොපිට අපිට බැරි නැත .

හැබැයි පම්පෝරි හීන ලෝක උතුම් බක්කවල්, බොරු දේසප්‍රේමී ජාත්‍යන්තරේට නෙලන සඳ ටෝක්ස් පැත්තකින් තබා හිඟනකම , ඉන්න තැන ගැන මුලින්ම අවබෝධ කරගත යුතුය.

කියා උගන්නා..

 පොඩි එකාගෙ ඉඳන් මහ එකා දක්වා රටේ තත්වෙ ගැන බොරු කියලා අන්දලා තාවකාලික ආතල් දී සදාකාලික විදෝනවා ද. රිදෙන්න ඇත්ත කියලා ඉන්න තැන ගැන අවබෝධ කරලා ගොඩ යනවද.

කියා තේරුම් ගැනීමට සැලැස්විය යුතු ය.

මේ පම්පෝරි ගහ ගහ ගන්නා ගොංපාට් ස්වයංවින්දනය ගැන හොඳින්ම විග්‍රහ කරන්න්නෙ තුසාර ජෝසප් ය.

දිවුරන්න බෑ නේද මං ඉදිරියේ..
බොරු කරලා ඉපදෙන්න බෑ සුගතියේ...

ඒක හින්දා මුලින් ඉන්න තැන අවබෝධ කරගන්න.
ඊට පස්සෙ එතන ඉඳන් අනිත්වා හිතන්න..
පොඩි උන්ට බොරු කියන එක දැන්වත් නවත්තන්න..


#අකලංකාරය
  - චමල් අකලංක පොල්වත්තගේ